影片
更多
2018-11-09
253 浏览
呢间嘢真系好鬼巴闭, 之前母亲节时已经想试, 但又话限时段, 又要亲身去比deposit, 麻鬼烦, 咁就冇去, 不过母亲又好似好想试咁, 于是趁父亲节+母亲生日去试啦~ 今次虽然都系有限时段, 但就唔驶先比deposit, 只系佢地一开舖就打嚟double cfm果晚booking, 难道真系咁多人去食?当晚食第一时段, 差不多时间去到, 离远已经见到有人等位, 好彩我地booking咗枱, 我谂除咗2位之外, 其余唔book枱真系唔知要等几耐..............一入到去灯光昏暗, 一直入到最入, 由于后面系全玻璃, 睇到后花园, 所以先觉得好似冇咁黑, 其实食肆我真系唔钟意太暗, 好令人恰眼瞓, 食咗乜落肚都唔知..................由于系父亲节, 所以有父亲节餐, 比较过父亲节餐同menu入面啲菜式, 发觉都系父亲节餐抵食啲, 而且应该会快好多, 因为已经set死哂, 反正都未食过, 所以食乜都冇所谓, 就叫个父亲节餐啦~落咗order又未上菜, 就周围望下啲装修, 呢度除咗细枱系方枱, 仲有啲多人坐的圆枱, 咁样围住食比较亲密啲, 而且唔系自己一人一个se
当晚食第一时段, 差不多时间去到, 离远已经见到有人等位, 好彩我地booking咗枱, 我谂除咗2位之外, 其余唔book枱真系唔知要等几耐..............
一入到去灯光昏暗, 一直入到最入, 由于后面系全玻璃, 睇到后花园, 所以先觉得好似冇咁黑, 其实食肆我真系唔钟意太暗, 好令人恰眼瞓, 食咗乜落肚都唔知..................
由于系父亲节, 所以有父亲节餐, 比较过父亲节餐同menu入面啲菜式, 发觉都系父亲节餐抵食啲, 而且应该会快好多, 因为已经set死哂, 反正都未食过, 所以食乜都冇所谓, 就叫个父亲节餐啦~
落咗order又未上菜, 就周围望下啲装修, 呢度除咗细枱系方枱, 仲有啲多人坐的圆枱, 咁样围住食比较亲密啲, 而且唔系自己一人一个set, 大家share食, 都系坐圆枱方便好多...............而近玻璃果度, 就系梳化位, 你可以话系可以望后花园景, 但我就唔系太钟意, 因为出面啲人都望到你, 好似比人睇住食嘢咁, 感觉好唔自然.............
等咗5分钟左右先上一款饮品, 另一款等多5分钟, 正想追佢之际, 就嚟到............
鲜青柠梳打
鲜青柠梳打
7 浏览
0 赞好
0 留言
西瓜汁
西瓜汁
7 浏览
0 赞好
0 留言
前菜拼盘
前菜拼盘
27 浏览
0 赞好
0 留言
冬荫炸鸡翼 -> 将鸡翼开半, 咁样睇起嚟又可以多啲, 炸起嚟又快熟啲, 食起嚟又易食啲, 大家win win, 不过我唔系好觉系冬荫味, 似普通炸鸡翼, 不够炸得够香脆, 又驶乜理佢本身系咩味丫~
鸡，牛肉沙爹 -> 每样2串, 由于我唔食牛, 所以我可以食独食一串鸡, 烧得唔够香口, 好彩个沙爹汁唔太差~
芝麻虾多士脆条 -> 咪即系虾多士加芝蔴, 都食到啲虾几爽, 但好似油咗少少~
烤猪肉鲜虾米纸卷 -> 比佢个样呃咗, 见到佢啲肉系深色, 以为系牛, 所以我自动弃权, 而家写食评先发现原来系猪肉...................无缘.........................
法国烧春鸡
法国烧春鸡
7 浏览
0 赞好
0 留言
黄咖哩海鲜大荟配蒜蓉包
我开头睇错咗, 以为系黄咖哩海鲜大包, 但上到枱见到冇包, 系配蒜茸包先知自己发鸡盲, 仲谂住会好饱, 因为有大包, 点知只系得2块蒜茸包.....................其实2块蒜茸包边够? 为咗唔好嘥咗啲咖哩汁, 我地叫多咗一份蒜茸包, 因为佢冇薄饼, 只系得蒜茸包同白饭你选, 咁梗系蒜茸包正啲啦~ 虽然佢啲蒜茸包唔热, 但都仲脆口~
黄咖哩唔系好辣, 啱哂我, 不过海鲜就唔系好多, 都系青口、虾、鱿鱼、蟹柳果类, 亦唔系新鲜海鲜, 都系雪藏嘢, 只不过啲咖哩味盖过啲雪味~
是拉差酱烧猪肋骨
是拉差酱烧猪肋骨
6 浏览
0 赞好
0 留言
呢味菜系用木板上, 而啲薯条用"浪口mug"装住, 好似好casual同好西式feel~
其实个味道我又觉得同平时其他西餐厅食果d照烧酱差不多味, 而个size都有10条骨, 刚好够我地5个人食, 肉质都好林, 虽然好薄肉, 但都唔会太干身, 旁边仲有啲蕃茄、青瓜同粟米, 感觉上食完肉再食返啲蔬菜会好啲~
香脆猪腩肉炒芥兰
虽然呢个系4人餐啫, 但都唔驶连猪腩片都数住, 净系比4块你, 太小家了吧~ 基本上佢都系炸好啲猪腩片, 然后有order时就将佢同啲芥兰一起炒完上碟, 完全各有各味道, 同埋油咗少少啰~
甜品
系个甜品拼盘, 总共有4款唔同甜品, 各有特式, 分量唔会太多, share食, 每样食啲就啱啱好~
斑兰焦糖炖蛋 -> 个色就够哂斑兰, 但个味净系食到甜, 唔系好够斑兰味同蛋味
草莓香蕉薄饼 -> 完全唔配合泰国菜, 无啦啦整个西式甜品, 虽然味道OK, 但硬系觉得有啲格格不入
泰茶拉米苏 -> 好有泰茶味, 唔会太甜
芒果芝士蛋糕 -> 呢个几好食, 又有芒果味, 又够芝士味
呢度啲店员好多都系纯粹负责上菜同执枱, 如果要落单, 你要揾果啲看似高级少少果d先可以帮你落单, 唔系系人都可以帮你落单, 所以要比啲时间同耐性~ 同埋唔系好主动收碟, 就算有菜上, 都系我地拎起叫佢收先识收, 如果将枱仲有位摆菜, 系唔试主动收碟啰~
讲真, 元朗大把泰国菜, 虽然味道唔算差, 但太多规限, 价钱又唔系平, 我本人暂时未揾到好值得再试的理由, 叫做试过就算啰~
题外话/补充资料：
我明明影哂咁多张美食, 但点知写食评时发现唔见咗几张, 激死我...............
(以上食记乃用户个人意见 , 并不代表OpenRice之观点。)
张贴
