影片
更多
2007-06-20
15 浏览
寻日(19-6-2007 Tue)行完街谂食乜,就试吓呢间啦.时间尚早,才6:45pm左右,入到去,只有两枱客,我o地坐o系由最入面数出o黎第三张二人枱,都好阔落.睇吓menu,果然系专做印度菜,林林总总o既菜色,令我同我同朋友W花多眼乱,且放弃惯常会叫o既set dinner,拣o左下列对我o地o黎讲新奇o既菜色:1.$20.00青瓜乳酪白色,算系凋零o既乳酪里面有青瓜丝,微酸o既乳酪当然发挥o左开胃o既作用.2.$58.00串烧五香鸡件用铁板上,不过唔驶'赞'汁,所以唔会激烈.一客六件橙红色o既鸡件,食落,似有少少膻味,少少甜.印度o既五香唔等于我o地平时食惯o既五香牛肉面o个种五香.而鸡件有啲'鞋'有啲又滑.3.$68.00西柠蜜汁烩虾球白色o既汁里面浮沉o左好多虾球,有甜味但冇咩西柠味.不过有四份一个柠檬o系入面.虾够爽o既.4.$38.00烧香草茄子一pat pat蓉咁,我食一啖,甜o既,系蕃薯o既甜味,我同朋友怀疑有冇落错单,于是问个waitress,佢话冇错啊,系烧香草茄子.啊,咁算啦.食食吓,又有啲辣辣地o既?可能之后我搅匀佢(其实系想揾茄子)引致啦.5.$15.00薄
1.$20.00青瓜乳酪
白色,算系凋零o既乳酪里面有青瓜丝,微酸o既乳酪当然发挥o左开胃o既作用.
2.$58.00串烧五香鸡件
用铁板上,不过唔驶'赞'汁,所以唔会激烈.一客六件橙红色o既鸡件,食落,似有少少膻味,少少甜.印度o既五香唔等于我o地平时食惯o既五香牛肉面o个种五香.而鸡件有啲'鞋'有啲又滑.
3.$68.00西柠蜜汁烩虾球
白色o既汁里面浮沉o左好多虾球,有甜味但冇咩西柠味.不过有四份一个柠檬o系入面.虾够爽o既.
4.$38.00烧香草茄子
一pat pat蓉咁,我食一啖,甜o既,系蕃薯o既甜味,我同朋友怀疑有冇落错单,于是问个waitress,佢话冇错啊,系烧香草茄子.啊,咁算啦.食食吓,又有啲辣辣地o既?可能之后我搅匀佢(其实系想揾茄子)引致啦.
5.$15.00薄荷烤饼
似系松油饼咁,一层层o既,有啲绿色o既碎啦,不过食落冇薄荷味o既,又油腻.
6.$28.00印度雪糕X2
原本想试埋鲜奶绵花球,不过冇.等o左都几耐吓,终于到喇.呢个雪糕就经典啰,完全唔系我o地平时食o既雪糕,佢系黄色一个个约2cm o既正立方体,咬落去唔系软,反而系好似细个时自己贪玩做o既雪糕咁,有啲变o左冰花o系里面咁.味道.....食唔出啊,似有姜汁同咖哩味o挂,真系想问问个老板系咩味.
o系order完食物后,会先免费送一客普通冇馅料o既薄饼跟两个酱汁,一个系青色,唔识形容,微辣.另一个系橙红色,少少酸甜咁,但有别于咕噜肉o个种汁.(o衣o家睇返之前o既食评至知原来系香草汁同酸甜汁)而可惜o既系薄饼唔脆.
欣赏呢o度o既食物唔会有太多无谓o既伴菜同装饰,其实咁重好,因为其实份量已经唔算多,且唔平,否则有被双重揾笨之嫌.
卫生:
中途发现有只中小size o既小强o系墙上向下行,朋友W用枱布'引导'佢向后走.
服务:
两个waitress几靓女,不过唔识听,讲中文,一定要用英文,佢o地o既服务亦好好.即使听唔明我o地因为拎住两袋o野要求一张椅摆o野,佢o地都会理解而畀o左张圆o既胶椅我o地.而且好有礼貌.
最惊喜o既系当我o地confirm完佢第4样菜之后,有个男人走o黎有礼貌咁问我o地有咩问题?我话冇,觉得好甜,佢话佢拎入去煮过,我话唔驶唔驶,OK,冇问题,以为呢个系另一个菜－孟买薯仔,因为似系蕃薯o既甜味,但当中我太紧张喇,讲o左tomato,佢就一头暮水咁.不过佢就返o黎帮我o地加水..........o系我o地o既水杯o度.
从而睇到佢o地都好重视客人对食物o既评价,而且佢o地都几钟意同客人倾偈,好亲切.可惜o既系,佢o地o既菜唔多o岩我o地口味,所以再o黎o既次数应该唔多.但我o地走o既时候餐厅都有80%客满.
张贴