新唯一麵家 (已結業)

呢间小店装修后比较企理，但唔算靓，睇得出无好用心机打理。呢度服务一啲都唔好，一个光头侍应，落完单，随手掉张单落枱，态度极差，真想掉番佢张单转头。试下食物先... 豆浆豆浆应该系之家制，热辣辣，味道质素相当好，值得一赞。👍🏻无锡小排骨酸甜味啱啱好，但肉质肥腻，汁底好肥腻，整个都肥肥腻咁👎，至于个面有雪菜铺面，面质软熟，过得去。猪扒面唔热，似隔夜猪扒，肥腻得很，零分👎葱油饼香葱味道唔够，非常肥腻👎，不过热辣辣，份量多。窝贴啲馅嘅味道系好，但皮厚，极肥腻，葱油饼同窝贴都咁肥腻👎，全部因为佢哋唔系即叫即整，而系整咗之后由得佢摆喺度，等啲油被索番落啲皮果度，睇得出无心做好，得过且过，一成不变。👎总括一句，前人系有好配方做食物，现在嘅老细无心机做食物👎，服务唔改👎，态度唔改👎，只能靠平👎，可惜！