三多麵食

营业中

休息中

今次因公事返到黎中环（以前住中环）梗系去食下好耐冇食过既3多喇。好记得之前，三多曾经因业主加租问题要结业，个阵好多中环既街坊同上班族都黎为三多签名发言，希望可以保留食店。好彩，最后三多都有继续留低。因为成日同男朋友约黎食都冇时间，今次难得过开黎，就即刻打去叫佢返屋企等，我买外卖返黎食。我叫左凤城水饺猪润面，菜肉云吞猪润面同埋炸鸡翼！因为要外卖汤同面分开既关系，个2个外卖碗加多左1蚊。为左食，几蚊算得系咩～哈哈哈哈。返到屋企打开，哗！有6只鸡翼，依然份量10足！仲够热，证明佢真系新鲜热辣辣炸起比我，抵赞！味道冇咩特别，但胜在够晒香口。之后黎到重点所在，其实我系唔钟意食猪润既，三多系唯一一间我接受同钟意既猪润，因为佢整得好爽口，又唔会好腥。我最怕猪润个种质地，粉粉地，霉霉烂烂咁，仲有阵腥味。好怕好怕~唔食猪润既朋友，有勇气既，都不妨黎试下，可能会好似我咁唔觉意钟意左，哈哈哈哈。继续我碗面，凤城水饺，虽然得2粒，但佢地真系10万个大粒！大过只匙羹嫁！鬼火咁大粒！好多馅，正！面底冇咩特别好讲，都系普通感觉。哈哈哈哈，或者系因为啲𩠌太突出喇。