牛涮鍋 (已結業)

天气冻自然想打边炉。有人话呢家日式沙bu沙bu walkin要排长龙，但我今日经验系一到即刻有位，当时大概系夜晚七点半，完全唔需要等位。以今晚咁冻的天气来讲，火锅店的客人都唔多，真系悲哀。有人赞服务员服务好，我同意，基本上佢地反应真系几快。至于食物，我觉得唯有得牛肉好食！我拣左$138果种，片片牛肉都切得好薄，而且好有牛味，赞好！但如果要再畀多每位一百蚊upgrade日本和牛的话，我真系唔舍得啰。可惜除左牛肉，其他火锅配料真系强差人意，除左选择少，质素亦唔好，只系同普通酒楼几十蚊任食火锅差不多。汤底我选泡菜同豆乳，可惜泡菜汤唔辣，豆乳汤初初都几豆乳味，但后来加汤后就两边汤底味道差唔多了，因为加汤时两边都用同一种汤的！加$10的任饮汽水沟得太多水，完全冇气，唔抵饮！但打边炉冇汽水又唔得，焗住！试一次就可以，未必再帮衬啰。