影片
更多
2023-03-23
308 浏览
今日honey话想食川菜 ，我上openrice睇下附近有冇咩好介绍， 结果睇到 一间好特别嘅川菜馆 ，红色嘅外形 ，入面嘅装修好似京剧嘅舞台咁，高挂大红灯笼， 仲有卡通版嘅京剧人物相片， 靓到爆灯。 间餐厅不大， 只有廿几个位，都已经差唔多坐满 ，好彩仲有两个位留返畀我哋 。餐厅楼底好高 ，非常干净企理， 好似新嘅咁， 所以坐得舒服。 我今日拣咗酱香鸡煲， 葱爆牛肉 ，大碗菜花， 谂住唔够再叫， 点知啲菜一上嚟， 哗一声， size够晒大， 个鸡煲香喷喷， 有好多鸡肉， 豆卜， 同埋我最钟意嘅各样香菜， 包括芫茜， 中芹， 洋葱 ，大葱 ，姜 ，蒜，我同佢改个靓名叫做绿野仙凤🐓踪， 因为喺好新鲜嘅香菜入面你会揾到一旧旧肥美嘅鸡肉 ，见到都流口水 。第二碟𩠌系葱爆牛肉， 爆香嘅大葱 同酱香牛肉一齐炒， 极之惹味， 我又帮佢改咗个名叫做聪明牛魔王， 因为啲大葱系好有益嘅食物， 同啲牛肉一齐食， 食咗更加聪明。 跟住见到openrice介绍大碗菜花好多人食， 我又趁热闹试下， 椰菜花本身就系好健康嘅食物 ，再加上佢炒得好好食， 用好薄嘅五花腩加青辣椒同埋干红椒一齐炒 ，劲香劲爽口 ，食到停
今日honey话想食川菜 ，我上openrice睇下附近有冇咩好介绍， 结果睇到 一间好特别嘅川菜馆 ，红色嘅外形 ，入面嘅装修好似京剧嘅舞台咁，高挂大红灯笼， 仲有卡通版嘅京剧人物相片， 靓到爆灯。
5 浏览
0 赞好
0 留言
间餐厅不大， 只有廿几个位，都已经差唔多坐满 ，好彩仲有两个位留返畀我哋 。餐厅楼底好高 ，非常干净企理， 好似新嘅咁， 所以坐得舒服。 我今日拣咗酱香鸡煲， 葱爆牛肉 ，大碗菜花， 谂住唔够再叫， 点知啲菜一上嚟， 哗一声， size够晒大， 个鸡煲香喷喷， 有好多鸡肉， 豆卜， 同埋我最钟意嘅各样香菜， 包括芫茜， 中芹， 洋葱 ，大葱 ，姜 ，蒜，我同佢改个靓名叫做绿野仙凤🐓踪，
因为喺好新鲜嘅香菜入面你会揾到一旧旧肥美嘅鸡肉 ，见到都流口水 。第二碟𩠌系葱爆牛肉， 爆香嘅大葱 同酱香牛肉一齐炒， 极之惹味， 我又帮佢改咗个名叫做聪明牛魔王， 因为啲大葱系好有益嘅食物， 同啲牛肉一齐食， 食咗更加聪明。
跟住见到openrice介绍大碗菜花好多人食， 我又趁热闹试下， 椰菜花本身就系好健康嘅食物 ，再加上佢炒得好好食， 用好薄嘅五花腩加青辣椒同埋干红椒一齐炒 ，劲香劲爽口 ，食到停唔到。
一间细细嘅川菜馆 ，咁有水准， 而且价钱一啲都唔贵， 仲平过我平时食开𠮶啲川菜 ，服务一流， 个店员靓姐姐见我哋饮完水即刻斟， 食完𩠌即刻收碟， 畀我哋一个舒舒服服清清爽爽嘅环境享受靓爆嘅环境， 好味爆嘅美食， 真系食得超满足。 今餐真系色香味俱全， 装修得咁有特色嘅铺头都系第一次见， 好明显店主系一个好有中国文化品味嘅人。
我影咗好多靓相，可惜版面有限， 冇得 post， 嘥晒我啲心机。
张贴
