影片
更多
2021-12-04
2650 浏览
对上一次同老婆拍拖食英式下午茶都已经喺年初庆祝结婚周年Staycation时嘅事，转眼又差唔多过咗成年。最近，到访唯港荟嘅「GREEN」，因为佢哋同Godiva联乘，推出咗个「Godiva甜蜜献礼下午茶」，分两段时间，选食第二段时间，刚好食完再睇场戏，渡个愉快周末。 晌门口已经有大大个嘅「Godiva」甜筒招牌，绝对喺今次下午茶嘅「icon」。 唯港荟好多年前嚟过出席啲活动，但酒店内嘅餐厅就未帮衬过，而今次食下午茶嘅「GREEN」当然喺第一次到访。踏入酒店大堂，就见到餐厅位置，第一个嘅感觉喺非常舒服，一来楼底特高，二来枱椅嘅编排好阔落，空间感超强，再者，一边墙上嘅植物墙，一边落地大玻璃，都喺环境上嘅亮点之一。 我哋就被安排坐晌一组半圆嘅梳化椅，摊住个人真喺好写意。加上之后有少少夕阳射入嚟，几好气氛架。除咗有多张梳化椅配茶几枱之外，靠墙一边仲有啲正规餐枱，因为呢度除下午茶之外，都提供一啲正规嘅西式餐饮，如意大利面、汉堡……等等，以及4道菜晚餐。 枱上早已摆放好餐具、餐巾及餐垫，但够胆用上纯白色，绝对喺对自家卫生极有信心嘅表现。再者，酒店几时都喺对卫生比较着紧，所以，除有消毒纸巾，亦提供口
晌门口已经有大大个嘅「Godiva」甜筒招牌，绝对喺今次下午茶嘅「icon」。
唯港荟好多年前嚟过出席啲活动，但酒店内嘅餐厅就未帮衬过，而今次食下午茶嘅「GREEN」当然喺第一次到访。踏入酒店大堂，就见到餐厅位置，第一个嘅感觉喺非常舒服，一来楼底特高，二来枱椅嘅编排好阔落，空间感超强，再者，一边墙上嘅植物墙，一边落地大玻璃，都喺环境上嘅亮点之一。
我哋就被安排坐晌一组半圆嘅梳化椅，摊住个人真喺好写意。加上之后有少少夕阳射入嚟，几好气氛架。
除咗有多张梳化椅配茶几枱之外，靠墙一边仲有啲正规餐枱，因为呢度除下午茶之外，都提供一啲正规嘅西式餐饮，如意大利面、汉堡……等等，以及4道菜晚餐。
枱上早已摆放好餐具、餐巾及餐垫，但够胆用上纯白色，绝对喺对自家卫生极有信心嘅表现。再者，酒店几时都喺对卫生比较着紧，所以，除有消毒纸巾，亦提供口罩袋俾客人。
餐枱上放咗张「唱片」，其实就喺今日嘅餐牌嚟，非常有心思。每日2:45pm-4:45pm及4:45pm-6:45pm供应，平日每位HK$408，两位用就HK$748元，而星期六、日及公众假期每位HK$438，两位用HK$788，但每位客人就会额外赠送法国气泡酒一杯。整份下午茶包咗5款咸点、5款甜点及英式传统松饼，仲有一个亮点，就喺无限量供应Godiva软雪糕同士多啤梨朱古力，咁丰富，当正餐都不为过啦。
法国气泡酒晌出面嘅饼柜之上，放上一排排嘅香槟酒杯，彷如严阵以待。虽然，无刻意去留意气泡酒喺咩品牌，因为小弟又唔算好嗜酒，小酌一、两杯都可以，但酒色金黄清澈，气泡幼细，好易入口之余，酒精度又唔太高，再者，小弟就较喜欢白酒多过红酒，感觉几唔错。
有张黑胶「唱片」，自然要有部黑胶嘅唱机啦，所有咸甜点就喺放晒晌一部唱机呈上，当睇见实物，型到咁，仲唔哗哗声咩。唔喺得个样，每个细节位都做到一丝不苟，而且，个唱盘真喺可以转，真喺未食先兴奋。
「GODIVA 甜蜜献礼」下午茶
39 浏览
0 赞好
0 留言
朱古力脆皮鸭肝慕丝伴黑鱼子虽然，菜式名已写晒出嚟，但唔笃开就真喺唔知咩嚟，外面一层白朱古力脆皮，里面就喺非常幼滑、味道甘腴嘅鸭肝慕丝，再配上少少矜贵咸香嘅黑鱼子，令整体味道好多变化，非常有趣。
Impossible™他他睇见「Impossible」就知喺以植物肉制作嘅咸点，食落确喺几有真肉嘅质感同味道，配以嘉拿饼、青瓜片、车厘茄，入口好清爽。
烟三文鱼伴三文鱼子5款咸点中，以呢一款感觉比较普通啲，大抵因为香港人都经常食三文鱼，不过，啲挪威烟三文鱼本身质素几好，十分油润，带微微烟熏香，而三文鱼子一咬开，𠮶阵阵咸鲜味涌晒出嚟。
甜虾血色玛莉以鸡尾酒杯盛载喺有两款咸点：甜虾及辣肉肠橄榄串。先讲甜虾，虾只鲜味十足，爽口弹牙，而个咯嗲汁加咗少少马天尼，沾上少少酱汁，令虾鲜味更为突出。
辣肉肠橄榄串再试试个辣肉肠串，以西班牙嘅辣肉肠嚟做，辣肉肠入口烟烟韧韧，极有咬口，渗出微微辣味，带点刺激，而伴有青椒、红椒及青橄榄，可以平衡一下啲辣味。
一边食住咸点，一边饮住啲气泡酒，感觉喺几享受。食完一轮咸点，就喺轮到介绍甜点喇。上文都有讲，甜点共5款（未计GODIVA士多啤梨朱古力及软雪糕），再数数，原来仲多两粒白朱古力小方块。
Godiva朱古力先试试一试原装嘅Godiva朱古力粒，外层喺黑朱古力夹杂榛子碎碎，内层喺牛奶朱古力，朱古力嘅口感几香滑。
酒渍樱桃黑朱古力呢一款水果朱古力唔只好睇得，仲好好食。将樱桃包住一层黑朱古力，洒上啲金粉，成粒小恒星咁，造型精致，而一口咬落去，黑朱古力外壳好脆口，而樱桃以酒渍做法，非常之香，再加以少少金箔作点缀，更显矜贵。
酒渍樱桃黑朱古力
27 浏览
0 赞好
0 留言
单喺卖相已觉得呢一款甜点唔简单，打直切开，由下而上，有消化饼饼底、朱古力脆脆、伯爵茶慕丝、黑朱古力慕丝及最外层嘅镜面朱古力，口感、味道都极富层次，而幽香馥郁嘅伯爵茶配以甘苦醇厚嘅黑朱古力，真喺好搭配嘅组合。
伯爵茶黑朱古力慕丝
23 浏览
0 赞好
0 留言
柠檬马鞭草覆盆子马卡龙将马卡龙做成手袋模样，加以一物粉红，真喺几跳脱。以柠檬及马鞭草做成嘅外壳，有阵阵清爽嘅芳香，质感烟韧却唔会太甜，而里面就喺覆盆子做嘅软滑夹心，令整体食起嚟更酸香好味。
柠檬马鞭草覆盆子马卡龙
28 浏览
0 赞好
0 留言
不让Godiva独领风骚，餐厅都自家制一款碎榛果朱古力，有别上面提及嘅Godiva朱古力，依一粒整粒都喺以软滑嘅朱古力嚟做，入口非常柔滑，再晌外层黐上榛果碎片，增加脆口感。
自家制碎榛果朱古力
40 浏览
0 赞好
0 留言
白朱古力小方块最后嘅甜点，喺晌餐牌上无介绍嘅，虽然喺白朱古力，但无预期咁过甜，而且，加了少少焦糖效果，味道磪喺唔错，小小一口，作为甜点部份嘅完结。
英式传统松饼配奶油忌廉及果酱食英式下午茶点都要有英式传统松饼先似样，一如大多数餐厅，都喺以英式提子松饼为主，佢哋嘅松饼做得出色㖞，松化而唔会太干身，甚具面粉香气。无论配上奶油忌廉，抑或士多啤梨果酱，效果都好唔错。
英式传统松饼配奶油忌廉及果酱
16 浏览
0 赞好
0 留言
最后要分享就喺无限量供应Godiva软雪糕同士多啤梨朱古力，亦喺留到临尾嚟慢慢叹。晌近门口侧旁，就座立一大部Godiva软雪糕机，随客人自己动手唧；此外，士多啤梨朱古力亦放晌度，自由取用。
Godiva士多啤梨朱古力小弟当然会试晒黑朱古力、白朱古力两款口味啦，士多啤梨本身已经又大粒、又清甜多汁，包住芍薄薄一层朱古力，自然变得更香甜，无论黑还是白，都好食！
Godiva软雪糕唧软雪糕都讲技巧，老婆唧嘅甜筒就衰咗，因为底层攞得唔够阔，小弟就以小杯唧一客「鸳鸯」。软雪糕非常幼滑，朱古力味亦好浓郁。虽然软雪糕喺无限任食，但都无搏命，因为吃罢整份下午茶，到此刻都已经九乘几饱喇。
除了额外嘅法国气泡酒，套餐仲奉送餐饮，选择非常之多，亦可以额外加钱享受无限添饮香槟、气泡酒，又或不甘单调，可自费选用一啲特色嘅鸡尾酒及无酒精鸡尾酒。
棉花糖朱古力如喜欢热朱古力嘅朋友，就唔好错过呢一款棉花糖朱古力，一来朱古力采用GODIVA品牌，朱古力味非常浓郁，带少少甘苦香味，加上，放上一朶棉花糖花，「绽放后」确喺几得意。
棉花糖朱古力
21 浏览
0 赞好
0 留言
咖啡豆采用意大利嘅illy，自不然对品质有信心。而拉花嘅图案几靓，线纹细致，以非咖啡店而言，着实拉得唔错，入口醇厚芳香，口感均匀细滑，果然喺豆靓，冲泡手势亦唔错。
食到中段，酒店嘅行政总厨何师傅（Danny Ho）会周围跟客人打招呼同交流，有留意到佢真喺枱枱都去，有啲仲坐低倾几句，佢喺大马人，我又去过大马两趟，本身亦好钟意大马，有啲话题搭到咀。佢每人都会送一张食得嘅朱古力「信用卡」，唔碌得，但食得，而且，卡面设计劲有心思，自己发掘吓啲心思位晌边。
榴梿芝士蛋糕 $68同何师傅倾开，知我同样喜欢食榴梿，佢二话不说，即场晌饼柜攞件榴梿芝士蛋糕俾我试。雪白嘅外型好简约，一小片金箔作点缀，未切开，喺完成闻唔到任何榴梿气味，但一切开，榴梿味好澎湃，而入口喺极之软绵柔滑，细味之下，先喺榴梿嘅香味，随之而来喺阵阵咸咸哋嘅芝士香味，两者平衡而协调，可以讲互相辉映。
榴梿芝士蛋糕
$68
101 浏览
0 赞好
0 留言
听店员介绍，就算唔嚟食呢个下午茶，佢哋亦以Godiva朱古力炮制出多款甜点，晌午市或晚市套餐上供应，对Godiva朱古力有兴趣嘅朋友，就要趁机一试，尤其圣诞、新年快到，可以顺道庆祝一番，有个甜蜜节日。
张贴
