影片
更多
2006-08-12
42 浏览
爸爸birthday, 佢又赖到唔想出0甘远揾食，咪话近近地搞掂。原本念住带佢揾d贵夹唔饱野，叫做孝顺下佢；所以对屋村0既食铺都有d觉得...唔慌有咩野惊喜，佢话点就点啦!(原本)呢间店系食京沪菜，见佢个餐牌都几齐，如果唔食小菜、点心，碟头/咖哩都有供应。老豆一拿起餐牌，就即刻发光。叫左砂锅云吞鸡、咸肉津白、酸甜菊花鱼、葱油饼、铁板蒙古牛肉。(4个人食...老豆真系当正肥姐同埋恩宜开餐)我唯有叫伙记少油少油少油啦。同老豆干杯之后，第一个上0既系铁板。一掀盖，咋一声，d牛肉个色唔系全熟，带少少红，有青红黄椒，仲有京葱。而个汁有好香0既胡椒味，0个种辣味，系非常野味。牛肉非常淋滑，索左d汁，好鬼正。老豆系0甘食，我都系0甘食....d京葱，野味!然后上0既云吞鸡，云吞0既数目有成10粒，只只都几大，味道唔特别，只鸡有半边，都好大只。我净系食左鸡胸，当然系几孩啦。而屋企人食完之后，都赞只鸡好滑，好好食。细佬问，点解只鸡系砂锅入面煲0甘耐都唔孩，老妈话只鸡根本唔会同d云吞一齐煲啦，系d云吞熟左先摆只熟鸡落去。又系㖞。菊花鱼上台就真系好吸引，离远就闻到阵醋味，佢加左d生果粒系鱼面上，有菠萝、桃、
呢间店系食京沪菜，见佢个餐牌都几齐，如果唔食小菜、点心，碟头/咖哩都有供应。老豆一拿起餐牌，就即刻发光。叫左砂锅云吞鸡、咸肉津白、酸甜菊花鱼、葱油饼、铁板蒙古牛肉。(4个人食...老豆真系当正肥姐同埋恩宜开餐)我唯有叫伙记少油少油少油啦。
同老豆干杯之后，第一个上0既系铁板。一掀盖，咋一声，d牛肉个色唔系全熟，带少少红，有青红黄椒，仲有京葱。而个汁有好香0既胡椒味，0个种辣味，系非常野味。牛肉非常淋滑，索左d汁，好鬼正。老豆系0甘食，我都系0甘食....d京葱，野味!
然后上0既云吞鸡，云吞0既数目有成10粒，只只都几大，味道唔特别，只鸡有半边，都好大只。我净系食左鸡胸，当然系几孩啦。而屋企人食完之后，都赞只鸡好滑，好好食。细佬问，点解只鸡系砂锅入面煲0甘耐都唔孩，老妈话只鸡根本唔会同d云吞一齐煲啦，系d云吞熟左先摆只熟鸡落去。又系㖞。菊花鱼上台就真系好吸引，离远就闻到阵醋味，佢加左d生果粒系鱼面上，有菠萝、桃、蕃茄粒；但鱼0既味就唔会好鲜，其实似炸鱼柳，而佢0既「菊花」就唔似王+沙一条鱼上碟完整，但鱼身炸成菊花状，而系几块鱼柳炸到佢「开花」。不过，真系唔知边度正宗，好食就得，几开胃架....「炸」野，真系不妙。
上完菊花鱼之后，有津白。津白个份量都几大碟，同埋唔油，个味就冇咩特别，偏淡，呢个系唯一一个食得好放心0既菜，食左好多!!最后上埋葱油饼，佢同普通我地念0既葱油饼(个形有d似pizza，个面有好多芝麻，入面有碎葱)唔同，佢个size好的骰，似一个月饼0甘大，圆形厚身，但佢唔系饼，系酥，中间个馅有葱，聚埋一齐。我试左少少，知系酥都唔敢食太多lu。(确实几松~)
老妈老豆不断话好食，我同细佬都开始停。佢地见到小笼包就发埋癫，系都要叫。好啦好啦~~上台，d小笼包有5只，都几大只，我食唔落噢，唯有佢地讲番好唔好食啦。佢地一致话好正㖞，夹落去又唔易穿，同埋d皮好薄，啖汤(油)好鲜。呢d我唔会0甘易受骗0既...。Say No~~
佢d伙记见到我影相，都系度赞佢地d野食好正，仲好识做递晒卡片。佢虽然系屋村商场，个位置都唔难揾。其实间野好似系今年先开，个铺专登装修过晒，设晒卡位，吊灯，佢专做街坊生意，9点几仲有好多人，有d未有台0既就系外面等。都几full。系到10点d人就少d。
是日我同细佬埋单都系$272，下面价钱系除开4个人架。老豆食得好鬼开心，叫左好多啤酒，又食左好多野。真系饱到想呕(几折堕~~)，Even屋食肆绝对收货，就算下次唔系老豆birthday，都会encore。如果要揾京沪野，呢个价钱真系难d系九龙揾到。
麻烦大家: 如果系其他区有d抵0既京沪菜，请示之!!感谢~~(本人对食就冇咩研究，如发现抵野食，请指教!)
张贴