祥仔辣辣 (海運大廈) (已結業)

今日星期五尖沙咀揾个好啲嘅地方食过商务午餐，结果去咗海运大厦祥仔辣辣！知道佢哋有辣有唔辣选择！环境真系好好，有靓嘅海景，枱同枱之间都有空间，坐得好舒服！原本今日个行家个肠胃唔系几好，所以就全部都叫唔辣！😅好在呢度嘅选择都好多，好有弹性，连酸菜鱼都可以拣唔辣侍应们都好细心介绍边啲菜式系唔辣嘅！呢度嘅餐具都比较中日式，个茶壶我就欣赏佢中日式加就绳结，好雅致！叫咗两个特色午餐，一个系海鲜泡饭，一个系福建虾球炒面，另外跟餐叫咗杯日式红豆豆浆同埋百香果菠萝茶！我先饮品系冇而家只系得冻饮！海鲜泡饭嘅汤底好好味！好似有啲咸香味，里面有好多唔同嘅配料，有新鲜虾、蟹柳、冬菇、八爪鱼⋯⋯夏天食就最好，比较开胃！福建虾球炒面里面嘅虾球系爽脆嘅，啲面都非常之烟韧，个质地好好！但个人口味觉得比较咸咗少少！酸菜鱼系今日嘅重点！估唔到完全走辣酸菜鱼都系好好味。个汤底系浓味但系唔咸！厨师用咗迷迭香代替麻辣，好细心就算走辣，啲鱼都好香滑好好味一啲都唔腥！分量好够！推介！餐饮就一般啦！百香果菠萝茶，个人口味认为如果百香果同菠萝嘅比例，若菠萝多番少少可能会好啲！反而红豆豆浆，两样冇抢到大家嘅味道好好味！虽然今日行家唔食得辣