Made in HK Restaurant (已結業)

点餐𠮶阵见到餐牌写都知要等25分钟，侍应落单𠮶阵都有讲，都接受。 点知等咗35分钟都未有，当然催一催侍应，点知侍应态度极差仲要黑面话 : 都同你讲咗要等㗎啦，虽然餐牌写25分钟，实际要35-40分钟㗎 ! 你依家仲要等多15分钟㗎 !喂 ! 你当初都只系讲25分钟，既然你都知35-40分钟，咁应该落单𠮶阵就同人咁讲，而唔系依家先讲啰 ! 我朋友都已经饿啦，你早啲咁讲，我哋都可以考虑下情况，睇下自己等唔等到，搞到人哋饿到极点𠮶阵先咁讲，会唔会过份咗啲呀 ! 我哋好好声气问，仲要态度恶劣咁回应。本身都冇谂过写食评，见佢态度差到咁，唔写衰佢唔得啰 ! ! !