影片
更多
2017-12-20
262 浏览
通常开系商场入面既怀旧野都会比人一种会中伏既感觉，一黎无个种街坊味，唔够贴地，但系有时候有d野又唔可以盖棺定论，好似今日9fing fing入呢间罗麦记食，就比到我真系有种怀旧冰室感觉。讲个装修先，其实个装修全部行怀旧风，好多以前八、九十年代d怀旧灯牌、卡位、旧式霓虹灯跟晒以前既风格，剩系呢d位可以一赞，不过开得系商场就点都会少咁个叫你缩脚既扫地阿姐（搏投诉咩），咁唔怪得人既，始终商场舖系商场舖，装修都肯比诚意仲想点。其次要讲下我最欣赏既野食啦，拿由于个日我单拖去，所以我剩系叫左个瑞士汁鸡翼捞面同埋阿华田多士。够啦，再食又比人话肥。呢个瑞士汁捞面，你以为开系大场一定系味道欠奉，食装修姐，但又比到惊喜我wo，佢个汁应该唔止就咁落瑞士汁落去，捞落去系有好重鸡汁香味同埋有少少麻油吊味，鸡翼就炆到入晒味ga啦，平时系茶餐厅食都可能话要加汁先够味，但呢个真系唔洗，个面吸收晒瑞士汁同鸡汁好开胃，三两下手势我就食晒d面，剩底四只鸡翼慢慢叹（几时都话好味既野留到最后）阿华田多士一上台系有少少比佢吓亲，一黎我无谂过佢咁大份，二黎我无谂过佢咁重粉，本身谂住一定又干又鞋啦，但原来个多士本身落牛油烘过（有适量
讲个装修先，其实个装修全部行怀旧风，好多以前八、九十年代d怀旧灯牌、卡位、旧式霓虹灯跟晒以前既风格，剩系呢d位可以一赞，不过开得系商场就点都会少咁个叫你缩脚既扫地阿姐（搏投诉咩），咁唔怪得人既，始终商场舖系商场舖，装修都肯比诚意仲想点。
其次要讲下我最欣赏既野食啦，拿由于个日我单拖去，所以我剩系叫左个瑞士汁鸡翼捞面同埋阿华田多士。够啦，再食又比人话肥。
呢个瑞士汁捞面，你以为开系大场一定系味道欠奉，食装修姐，但又比到惊喜我wo，佢个汁应该唔止就咁落瑞士汁落去，捞落去系有好重鸡汁香味同埋有少少麻油吊味，鸡翼就炆到入晒味ga啦，平时系茶餐厅食都可能话要加汁先够味，但呢个真系唔洗，个面吸收晒瑞士汁同鸡汁好开胃，三两下手势我就食晒d面，剩底四只鸡翼慢慢叹（几时都话好味既野留到最后）
阿华田多士一上台系有少少比佢吓亲，一黎我无谂过佢咁大份，二黎我无谂过佢咁重粉，本身谂住一定又干又鞋啦，但原来个多士本身落牛油烘过（有适量起码唔会干）加上炼奶、同埋面头大量阿华田粉，系无想像中干，反而系互相配合到，我就觉得啱啱好啦，系大份左d食完有d罪咎感。
埋斋系奶茶红豆冰，奶茶本身唔系用茶味好重好涩个只茶，有d人或者会觉得唔够正宗，但系我自己系钟意淡口d既，所以呢杯野老实讲佢好睇个人口味，如果钟意重口既就叫柠乐、柠七个d会仲爽。
总括而言，野食算系咁啦，宜家商场越开越多系方便左人揾餐厅、聚会食饭既，如果要食怀旧味道但本身住个头少旧区既，都可以黎呢度试下。
张贴
