影片
更多
2024-05-11
137 浏览
海之恋都几多餐厅，今次上到三楼发现一间几抵食嘅西餐厅。餐厅都几大几多位，仲可以坐露天睇海景。嘢食都有好多选择，有set dinner包汤、甜品同饮品，另外餐牌上任何主菜都可以加钱升级做套餐。今次二人行拣左一份set dinner，一份散叫嘅Burger加薯条。餐汤系蟹肉龙虾汤，有好鲜香嘅龙虾味，仲有少少蟹肉，都几好饮。随餐汤仲送一大条黑糖包，质感松软又甜甜地，开左个靓头。主菜就系烤羊架伴季节菜，羊架有三件，可以拣五成或七成熟，今次拣左五成，保留嫩滑质感，亦唔会好重骚味。底下有好滑嘅薯蓉同杂菜。另一道主菜就系安格斯牛肉辣味芝士汉堡，入面有安格斯牛肉、生菜、蕃茄、菠萝同墨西哥辣椒，牛肉好Juicy，加埋唔同嘅配料，味道好清新，尤其是块菠萝有烧过，更加解到牛肉油腻感，再带点墨西哥辣椒嘅刺激。另外加$18叫左薯条，新鲜热辣炸起好脆身。而甜品就有自家制甜品或者心太软拣，拣左自家制甜品 – 柚子芝士蛋糕。芝士蛋糕有好浓cream cheese味，加上柚子蜜又估唔到几夹，好清新。Set Dinner仲包饮品，百香果茶唔算好甜，带有浓郁果香，几好饮。埋单$411都几抵食，性价比几高，几值得食！
餐厅都几大几多位，仲可以坐露天睇海景。嘢食都有好多选择，有set dinner包汤、甜品同饮品，另外餐牌上任何主菜都可以加钱升级做套餐。
今次二人行拣左一份set dinner，一份散叫嘅Burger加薯条。
餐汤系蟹肉龙虾汤，有好鲜香嘅龙虾味，仲有少少蟹肉，都几好饮。随餐汤仲送一大条黑糖包，质感松软又甜甜地，开左个靓头。
主菜就系烤羊架伴季节菜，羊架有三件，可以拣五成或七成熟，今次拣左五成，保留嫩滑质感，亦唔会好重骚味。底下有好滑嘅薯蓉同杂菜。
另一道主菜就系安格斯牛肉辣味芝士汉堡，入面有安格斯牛肉、生菜、蕃茄、菠萝同墨西哥辣椒，牛肉好Juicy，加埋唔同嘅配料，味道好清新，尤其是块菠萝有烧过，更加解到牛肉油腻感，再带点墨西哥辣椒嘅刺激。另外加$18叫左薯条，新鲜热辣炸起好脆身。
而甜品就有自家制甜品或者心太软拣，拣左自家制甜品 – 柚子芝士蛋糕。芝士蛋糕有好浓cream cheese味，加上柚子蜜又估唔到几夹，好清新。
Set Dinner仲包饮品，百香果茶唔算好甜，带有浓郁果香，几好饮。
埋单$411都几抵食，性价比几高，几值得食！
张贴
