Chateau @ Central (已結業)

佈置似酒庫，暗喑燈光氣氛好，紅白酒選擇多，食品都好有水準。 餐廳推薦西班牙紅蝦，果然好介紹，真係好好食，紅色大隻肉好厚，樣子已經靚，試一啖，味道又鮮又甜，蝦肉好好彈性，今晚一次過試熱煮冷吃兩款，熱食味道豐富啲，伴薯蓉食，感覺有份量啲，凍食啲肉更加彈性高，各有各好。 配杯白酒飲最正。 煮鮮鮑魚幾滋味，少少中菜感覺，鼓油醃味，又有薑蒜。 主菜食黑毛豬，塊排煎得好靚，肉有彈力，醃味啱啱好。 叫多個主食就飽飽，香草汁意粉簡簡單單，唔想食太多肉，汁香已經好食。 有水準，下次試蠔。