影片
更多
2017-03-15
615 浏览
朋友第一日返新工，竟然呻个部门原来就快俾其他部门吞并，变相要做多好多工作同埋要UNDER多几个人。为左平服佢唔知点嘅心情，所以带左佢黎呢度，以悲愤化为食力顺便听佢诉下苦。本身想点呢度嘅招牌芝士鸡的(隔离枱个个都点)，点知友人话同女友食过，所以想试另一款。估唔到有惊喜！－－－火焰鸡！上枱𠮶时无咩特别，同普通鸡煲卖相差不多，但当店员盖上煲盖，等左一阵。。。着火了，烧左差不多半分钟有多，期间散发出浓浓嘅香料，酒精同燃烧鸡肉嘅油脂香味，真系令人食指大动。鸡肉全部都系鸡脾位，所以食落啖啖肉而且十分嫰滑。虽然我地点嘅系小麻辣，但已经好够味，西芹花椒八角同辣椒嘅味道都好出，洋葱仲要两沟，白，红洋葱都有，令鸡煲增添唔少香味，食落有啲似沙爹汤底咁。唔错。同埋份量真系几多下，两个人食完个鸡都饱咁济。食完鸡当然要加汤打埋边炉啦，点左招牌五宝丸，杂菇拼盘，同埋翡翠苗。菇类洗得够晒干净，抵赞。翡翠苗都好爽脆，轻灼几秒，吸啲汤汁十分可口甘甜。招牌五宝丸：有牛肉，猪肉，鲮鱼，虾同埋墨鱼，每款都结实弹牙。食得出手打的确系唔同啲。其中最钟意虾丸同埋鲮鱼丸，打到起胶之余仲加入虾碎同鱼肉碎，增添口感同食味。最后点多个手切牛
本身想点呢度嘅招牌芝士鸡的(隔离枱个个都点)，点知友人话同女友食过，所以想试另一款。估唔到有惊喜！－－－火焰鸡！
火焰麻辣鸡煲
$148
31 浏览
0 赞好
0 留言
上枱𠮶时无咩特别，同普通鸡煲卖相差不多，但当店员盖上煲盖，等左一阵。。。
着火了，烧左差不多半分钟有多，期间散发出浓浓嘅香料，酒精同燃烧鸡肉嘅油脂香味，真系令人食指大动。
鸡肉全部都系鸡脾位，所以食落啖啖肉而且十分嫰滑。虽然我地点嘅系小麻辣，但已经好够味，西芹花椒八角同辣椒嘅味道都好出，洋葱仲要两沟，白，红洋葱都有，令鸡煲增添唔少香味，食落有啲似沙爹汤底咁。唔错。同埋份量真系几多下，两个人食完个鸡都饱咁济。
食完鸡当然要加汤打埋边炉啦，点左招牌五宝丸，杂菇拼盘，同埋翡翠苗。菇类洗得够晒干净，抵赞。翡翠苗都好爽脆，轻灼几秒，吸啲汤汁十分可口甘甜。
招牌五宝丸：有牛肉，猪肉，鲮鱼，虾同埋墨鱼，每款都结实弹牙。食得出手打的确系唔同啲。其中最钟意虾丸同埋鲮鱼丸，打到起胶之余仲加入虾碎同鱼肉碎，增添口感同食味。
打切新鲜牛颈脊
$188
17 浏览
0 赞好
0 留言
最后点多个手切牛颈脊，真系无得弹。牛颈脊蝴蝶形开边，厚薄同油脂雪花均匀。
摆落滚汤中数十秒，已经食得。入口软腍有咬劲牛香同肉汁四溢。而且份量又系唔话得咁多，真系食鸡煲嘅最佳配搭。其实返工，UNDER咩人又有咩所谓？放工食餐好嘅，咩烦恼都无晒啦。
张贴
