維港灣餃子坊 (已結業)

今日唔系好想食饭，想食下粉面湿湿地，就同朋友仔嚟咗维港湾饺子，呢度价钱好抵食㖞！好，坐低睇吓有咩好食先。椒盐粟米，粟米表面脆得来，里面依然系湿润，加埋上面嘅炸蒜、黑椒同盐，食落好香口。招牌三拼饺上海面，有大白菜、韭菜、香芹三款，全部大大只非常饱满，水饺一只匙羹咁大，好抵食，上海面幼滑弹牙。大白菜鲜肉饺波菜面，水饺皮薄馅多，里面肉同菜嘅比例平均，波菜面面条好滑，唔错。饮品叫咗豆浆，豆浆系用密封形式，卫生干净，抵赞！