馬拉Go

营业中

休息中

系土瓜湾剪完头发行过启岸见到呢间新开嘅餐厅，主打马拉菜，睇完餐牌d野都几岩食，就系到食埋晚餐😆🌟 亚参酸辣叻沙 用左大量鱼蓉做成嘅汤底，加入带有酸味嘅亚参，酸酸辣辣嘅鱼汤，饮落特别开胃，汤底只系带点微酸，比较容易入口，唔似马来西亚嘅叻沙咁重口味，比较岩香港人口😝配菜有石斑、鱼旦、虾、蛋、芽菜、菠萝，相当丰富🤩🤩🌟红咖喱牛肋条红咖喱味道香浓，牛肋条亦煮得好淋好入味，仲有薯仔做配菜，个餐本身跟左白饭，但又想试下马来西亚烤饼，所以加左份烤饼配咖喱一齐食，烤饼好酥脆🤤🌟鸡肉班兰串 & 南乳鸡翼鸡肉用腐皮包住一齐炸，外脆内软，仲有斑兰嘅香味😚南乳鸡翼炸到好香脆，好juicy好入味😋🌟咖央多士超爱马拉嘅咖央多士，面包用左麦脆包，系专程系马拉订货，唔怪得特别香脆，味道咁正宗，多士夹住斑兰酱同牛油，味道甜甜地好好味☺️☺️🌟 自家制樽仔奶茶跟餐半价，奶茶系自家制，茶底香浓，有d似泰奶嘅味道😋🌟 话梅柚子梳打柚子梳打加埋话梅又几好饮，饮落咸咸地甜甜地餐厅座位虽然唔多，但老板好亲切，每枱用餐完都送上马拉糕比客人😍😍