影片
更多
2023-12-07
75 浏览
启德Airside 开左一段时间，终于有机会嚟，一场嚟到，当然揾间有特色嘅餐厅试吓。网上见有人推介位于3楼嘅「岚月」，见到环境唔错，食物有特色之余质素又高，一于试吓啦。餐厅门口以绿色植物布置，风格时尚，里面环境优雅，隔住落地玻璃，仲可以望到新蒲岗，座位舒适，绝对适合同客户及同事食饭嘅地方。食物方面，午市除咗有点心之外，仲有各式各样嘅中菜。茶：呢度嘅茶钱比起一般中菜厅贵，要$28一位，不过茶叶嘅选择都好多，除了常见嘅普洱、香片、铁观音、龙井、水仙、寿眉，仲有凤凰单欉、碧螺春同金骏眉。我哋拣咗龙井茶，入口真系好香茶味，非常高质。胡椒龙虾汤饺：胡椒龙虾汤饺系佢哋嘅招牌菜之一，汤饺同汤分开装，大家可以以个人口味，钟意加几多汤就几多汤。汤饺大大只，皮够薄，里面包著龙虾肉，入口爽口之余仲有丰富汤汁，配埋胡椒汤底，味道鲜甜，亦带轻轻嘅胡椒味，简直一流。橘子流沙包：奶黄流沙包平时就食得多，橘子流沙包都系第一次试，流沙包造型特别，颜色鲜艳，打卡一流。一啖咬开后仲爆出流沙，味道香甜仲带轻轻嘅甘香味，包身软绵绵带点口感，整体配搭唔错。岚月西班牙黑豚叉烧：叉烧系佢地嘅另一道招牌菜，卖相晶凝通透，非常吸睛，除此
网上见有人推介位于3楼嘅「岚月」，见到环境唔错，食物有特色之余质素又高，一于试吓啦。
餐厅门口以绿色植物布置，风格时尚，里面环境优雅，隔住落地玻璃，仲可以望到新蒲岗，座位舒适，绝对适合同客户及同事食饭嘅地方。
食物方面，午市除咗有点心之外，仲有各式各样嘅中菜。
茶：
呢度嘅茶钱比起一般中菜厅贵，要$28一位，不过茶叶嘅选择都好多，除了常见嘅普洱、香片、铁观音、龙井、水仙、寿眉，仲有凤凰单欉、碧螺春同金骏眉。我哋拣咗龙井茶，入口真系好香茶味，非常高质。
胡椒龙虾汤饺：胡椒龙虾汤饺系佢哋嘅招牌菜之一，汤饺同汤分开装，大家可以以个人口味，钟意加几多汤就几多汤。
汤饺大大只，皮够薄，里面包著龙虾肉，入口爽口之余仲有丰富汤汁，配埋胡椒汤底，味道鲜甜，亦带轻轻嘅胡椒味，简直一流。
橘子流沙包：
奶黄流沙包平时就食得多，橘子流沙包都系第一次试，流沙包造型特别，颜色鲜艳，打卡一流。
一啖咬开后仲爆出流沙，味道香甜仲带轻轻嘅甘香味，包身软绵绵带点口感，整体配搭唔错。
岚月西班牙黑豚叉烧：
叉烧系佢地嘅另一道招牌菜，卖相晶凝通透，非常吸睛，除此之外，肉质亦非常松化，肥瘦适中，一啲都唔系口，用特制酱汁烤过后非常入味，味道甜甜地，好好味，真系令人一口接一口咁食过不停。
桔柚黑鳕鱼：
桔柚黑鳕鱼另道菜摆盘好精美，好适合打卡，黑鳕鱼外皮金黄香脆，鱼肉鲜嫩， 配埋柑桔柚子酱汁 入口酸酸甜甜，非常开胃。
虽然价钱偏贵，但无论食物质素同埋环境都非常理想，系适合见客又或者同事相聚嘅好地方。
张贴
