嵐月 (AIRSIDE)

营业中

休息中

Airside係美食集中地，今次我地揀左間網上評價唔錯嘅中式fine dining食晚飯。餐廳裝修好有格調，有好多綠色嘅植物擺設，感覺好似置身大自然一樣。我地叫左佢地個signature 菜柑柚黑鱈魚。啲魚肉好鮮嫩，炸得恰到好處，外脆內軟。柑柚嘅酸甜味道同黑鱈魚嘅鮮味相襯得好好，提升左味道嘅層次。魚肉彈牙脆口，再配上微微嘅柑柚香氣。西班牙黑豚肉叉燒。黑豚肉質好冧，肥瘦比例適中，咬落去口感好豐富。叉燒表面燒烤得微微焦香，內裡仍然保持著好juicy嘅口感。蘋果木燻泰安雞，煙燻味道淡淡地籠罩住整道菜。一打開蓋，香氣四溢。蘋果木嘅煙燻香氣好特別，令味道更加豐富。每一啖都好滋味，加上雞肉燻得恰到好處，好嫩滑多汁。皇帝蟹脆米泡飯係我地今晚嘅主食。泡飯湯頭非常鮮甜，而蟹肉份量好多，鮮甜彈牙。脆米增加咗食物嘅層次感，令味道更加豐富。甜品嘅石獅芝麻糕造型非常精緻，打咭一流，為呢餐晚飯畫上完美句號。