影片
更多
2022-10-10
356 浏览
<<跑马地隐世咖啡店>>朋友一直bookmark咗呢间餐厅，适逢庆祝生日就决定陪佢一试！餐厅系港岛区有几间分店，跑马地分店特别在于「啡酒合一」，日头系cafe，夜晚就会摇身一变做有bartender嘅酒吧。餐厅位于宁静小巷嘅角落，门面系以绿色为主嘅复古风格。夜晚嚟到店入面有柔和嘅灯光，配合外国抒情音乐，非常有情调，好适合同朋友谈心。相信白天再访嘅话亦别有一番风味。.🟥Parmesan Truffle Fries $63🟧一大盘刚刚炸好嘅幼身薯条洒上一丝丝嘅芝士，非常香口，再配埋truffle sauce，送酒一流！.🟨HV Meatballs $88🟩自家制嘅肉丸，用上猪肉同牛肉，一份有三大粒，外层煎得香脆，咬入口有肉汁唔会干争争。再沾上蕃茄酱，好惹味！.🟦Duck Ragu $128🟪意大利水管粉有咬口，每一条都均匀沾上香草蕃茄酱汁，仲有啖啖嘅油封鸭丝，香口唔油腻~.⬛️Truffle Mushroom Gnocchi $128⬜️呢款pasta唔系间间意大利餐厅都有，所以系menu见到就二话不说order咗。粒粒薯仔面团系烟烟韧韧嘅口感，再配上大大片嘅蘑
朋友一直bookmark咗呢间餐厅，适逢庆祝生日就决定陪佢一试！餐厅系港岛区有几间分店，跑马地分店特别在于「啡酒合一」，日头系cafe，夜晚就会摇身一变做有bartender嘅酒吧。
餐厅位于宁静小巷嘅角落，门面系以绿色为主嘅复古风格。夜晚嚟到店入面有柔和嘅灯光，配合外国抒情音乐，非常有情调，好适合同朋友谈心。相信白天再访嘅话亦别有一番风味。
.
🟥Parmesan Truffle Fries $63🟧
一大盘刚刚炸好嘅幼身薯条洒上一丝丝嘅芝士，非常香口，再配埋truffle sauce，送酒一流！
.
🟨HV Meatballs $88🟩
自家制嘅肉丸，用上猪肉同牛肉，一份有三大粒，外层煎得香脆，咬入口有肉汁唔会干争争。再沾上蕃茄酱，好惹味！
.
🟦Duck Ragu $128🟪
意大利水管粉有咬口，每一条都均匀沾上香草蕃茄酱汁，仲有啖啖嘅油封鸭丝，香口唔油腻~
.
⬛️Truffle Mushroom Gnocchi $128⬜️
呢款pasta唔系间间意大利餐厅都有，所以系menu见到就二话不说order咗。粒粒薯仔面团系烟烟韧韧嘅口感，再配上大大片嘅蘑菇同芝士粉，香气十足，第一次食嘅我觉得好有惊喜！
.
🟫Mimosa / Sours $78🟫
美食当然少不了美酒。我同朋友系cocktail menu入面拣咗Mimosa同Sours，分别系橙汁配气泡酒同威士忌配柠檬汁，好清新！
.
🧭Coffeelin (昌明街) (跑马地)
地址: 跑马地昌明街8号地舖
8 浏览
0 赞好
0 留言
张贴
