Street Meat (已結業)

旧同学由外国返香港放暑期，梗系要带佢出去玩下，今晚我地就嚟左兰桂芳一带闲逛同揾左个地方饮野倾计，不过斋饮好闷既，所以都叫左几款小食，横掂头先餐晚饭唔系食得好heavy，而家又可以再食豪d当宵夜。先来一客龙虾卷，净系睇到d馅料多到爆晒出黎已经觉得好吸引，要慢慢食或分件食，如果唔系会食得好”呢hea”，不过龙虾肉真系好正，原只蟹钳啖啖肉，蟹膏又丰富，$128算系大件夹抵食!两个男仔都系无肉不欢类，所以再黎一客和牛三文治，用和牛黎做三文治馅料，认真揼本! 和牛好入味juicy，三文治烘成多士好香口。最后黎一个脆薯格，热辣辣好香脆，佐酒无得顶!