影片
更多
2017-03-04
875 浏览
咖啡配串烧，系一个新颖嘅概念，我唔饮咖啡，就用朱古力配串烧吧。今日外勤工作，又攰又肚饿，就上黎呢度抖下同食野，唔知点解要用窗帘遮晒窗，如果有自然光入黎感觉会舒服啲，而且用嘅窗帘都唔靓。榛子朱古力$32: 隐若见到心心泡沫，朱古力味道几浓，几甜，榛子香味特别。烧蒜蓉金菇$15: 大推！蒜蓉味好香，牛油唔会过多，但好够味，金菇淋滑又爽！烧菠萝$13: 烧到表面有啲干，唔算超甜品种，但甜度可接受，当生果食几健康。烧七吋海虾$18: 够大只，唔痴壳，食得出味道新鲜。烧车厘茄$8: 好淋好多汁又几甜。烧啡吊筒仔$18: 质感有点靭，未有我想像的软熟。烧青瓜$8: 大大件，爽口又多汁，好香青瓜味，抵食！烧带子$38: 两件都好够份量，无雪味，唔会烧到过火，啱啱好，有淡淡鲜味。烧韮菜$13: 韮菜比较索汁，所以颇浓味，韮菜爽嫩无渣。烧原只茄子$32: 因为烧茄子需较长时间，要多啲心机，价钱都比较贵，呢度烧到几好，可以食到底都熟，唔浪费，用左蒜泥唔系蒜蓉，特别滋味。总括，呢度串烧调味几好，唔会太咸，有少少沙爹酱咁嘅味，同少少孜然粉，我本人好惊劲孜然粉既串烧，好在呢度唔系，估唔到一间cafe店有咁好食既
今日外勤工作，又攰又肚饿，就上黎呢度抖下同食野，唔知点解要用窗帘遮晒窗，如果有自然光入黎感觉会舒服啲，而且用嘅窗帘都唔靓。
榛子朱古力$32: 隐若见到心心泡沫，朱古力味道几浓，几甜，榛子香味特别。
烧蒜蓉金菇$15: 大推！蒜蓉味好香，牛油唔会过多，但好够味，金菇淋滑又爽！
烧菠萝$13: 烧到表面有啲干，唔算超甜品种，但甜度可接受，当生果食几健康。
烧七吋海虾$18: 够大只，唔痴壳，食得出味道新鲜。烧车厘茄$8: 好淋好多汁又几甜。
烧啡吊筒仔$18: 质感有点靭，未有我想像的软熟。
烧青瓜$8: 大大件，爽口又多汁，好香青瓜味，抵食！烧带子$38: 两件都好够份量，无雪味，唔会烧到过火，啱啱好，有淡淡鲜味。
烧韮菜$13: 韮菜比较索汁，所以颇浓味，韮菜爽嫩无渣。
烧原只茄子$32: 因为烧茄子需较长时间，要多啲心机，价钱都比较贵，呢度烧到几好，可以食到底都熟，唔浪费，用左蒜泥唔系蒜蓉，特别滋味。
总括，呢度串烧调味几好，唔会太咸，有少少沙爹酱咁嘅味，同少少孜然粉，我本人好惊劲孜然粉既串烧，好在呢度唔系，估唔到一间cafe店有咁好食既串烧，不过环境方面比较普通，有啲似k房感觉。
张贴
