Patisserie Tony Wong Dessert Cafe (已結業)

另一半从来都唔钟意甜食，就算面包、饼干或蛋糕都不爱，但酸味嘅糖果或黑朱古力例外，所以从来只有我一个食甜品，而佢最多都系食下多花奶啫喱或饮果汁陪我！从来我都冇买过蛋糕同佢庆祝生日，因为我唔想最后要自己食晒成个蛋糕，但今次我想俾少少惊喜佢！好耐之前买过Tony Wong既玫瑰花蛋糕同朋友庆祝生日，印象中记得𠮶啲花瓣好似系朱古力，所以我就喺佢生日当日偷偷地买咗个小型玫瑰花朱古力蛋糕预先放喺屋企，之后再扮到到啱啱放工，同佢食birthday dinner返到家后，我就系佢冲凉嘅时间插好蜡烛，佢一出嚟我就点蜡烛同唱生日歌，佢好surprise冇谂过会有蛋糕收最终佢食咗三分之二个蛋糕，因为个蛋糕竟然唔太甜，而且朱古力花瓣面头有少少苦，所以个蛋糕好啱佢口味，总括来讲都不错