來來美食

营业中

休息中

唔饱唔饿唔知食咩好，于是又周围search睇下有咩食，又俾我发现咗一间小小店！细系细咗啲，但只做外卖都够喇！喺𠮶刻想食多士就拣咗黑松露蘑菇芝士多士，WhatsApp 落单超方便！行过去啱啱好！估唔到都几香黑松露味，劲多蘑菇加埋芝士同脆脆嘅面包，大大份，邪恶得嚟又好味㖞！会唔会系我第一次帮衬就试咗最招牌最好味最啱胃口𠮶样食品呢？下次买第样嘢食会唔会都有惊喜呢？希望唔会俾我赞坏咗啦！有啲店舖经我一赞就即刻水准下降而且吊高嚟卖！我唔想咁样，只系想鼓励下用心制作嘅厨师，继续坚持，保持水准同不断进步！