屋子生活 (已結業)

想嚟屋子生活好耐，见cafe控朋友生日，终于的起心肝入嚟马鞍山试试! 因为无得订位，未嚟到之前好惊要等位，不过可能系平日夜晚，完全唔洗等就有得入! 一嚟到已经比雪柜里面嘅蛋糕吸引住! 😝 但点都要食左正餐先嘅!芝士竹轮 - 口感好似狮子狗入面包左芝士咁，芝士味甚浓，多d芝士嘅话会更好!明太子饭团加值日饭团定食 - 饭团无特别，配菜嘅豆腐反而比较特出，豆味十分浓，最啱喜爱吃豆品嘅我!公园沙拉 - 唔记得左饭团定食都有沙拉，所以点左呢个煎茶豚肉加黑醋汁嘅沙拉，其实无乜特别。海老天妇罗冷乌冬 - 新鲜炸出嘅虾好松化，乌冬烟烟韧韧，唔错!终于轮到今晚嘅主角 - 甜品喇! 试左三款甜品，样样都好出色! 芒果千层塔，钟意佢唔算甜，芒果唔酸，千层蛋糕虽称不上有好多层，但尚算皮薄唔多cream，食完唔怕肥腻，仲有种清新嘅感觉!因为手工抹茶蛋糕已经卖完，抹茶控嘅我只可只可选择抹茶黑芝麻手工蛋糕，但亦见惊喜! 黑芝麻同抹茶味道浓厚，蛋糕软熟，仲有饼底Tim! 即叫即焗嘅伯爵茶红茶窝夫，上枱时仍暖，所以雪糕好快就溶，有种冰火嘅感觉! 😝 伯爵红茶雪糕出面比较少有，味道唔错!总括嚟讲，餐厅环境舒服适合hea住