Le Grand Pokka Café (形點) (已結業)

嚟呢间餐厅食咗好几次，贪佢环境暗暗地啱密密斟，食下西餐呀又可以食亚洲菜。呢度竟然有拉面食，我朋友话想试吓，心谂喺西餐厅食乜鬼拉面🍜，但都点咗碗黑蒜油叉烧豚骨拉面，系出乎预料地好好食！黑蒜油够香，面嘅硬度偏硬但个人好喜欢嘅硬度，叉烧够入味，成碗面嘅温度系好平均好温暖，争啲食晒我朋友碗面。叉烧有两块当然唔够喉，叫咗客照烧一口牛肉，份量都几多下，同每口牛都大粒，扮晒野都要分两啖食，慢慢细味。肉质够腍无酥味，真的好怕有果啲味，会令食欲大减。另外见到一个菜式几特别，唔系度度餐厅有得食，叫米意粉，即系米仔粉，佢配埋鲜蚝同龙虾汁一齐煮，感觉好似食紧多汁版嘅海鲜risotto ，不过米仔粉系硬身少少，整体都系个新感觉。最后食埋个tiramisu 格格多士伴雪糕，呢个似系tiramisu嘅变奏板，以软绵绵嘅多士代替手指饼，加埋朱古力粉、吉士酱，食落唔太甜，所以唔使担心好肥。