道頓堀御好燒專門店 (朗豪坊) (已結業)

名义上系同老公庆祝生日🎂，实际上系要拣一间啱个宝贝仔嘅餐厅食饭。经过一轮选择之后决定嚟呢间，因为可以满足小朋友想煮嘢食嘅兴趣。我哋六点前已到达，所以唔需要等位就可以有得食，呢一餐妈妈最开心因为唔使做可以坐喺度食嘢，宝贝仔就做咗我哋当晚嘅厨师，嘢食方面都唔算太差，见佢有啲教学图教教你点样整嘢食，但最终我哋都选择自己个方法去做。如果俾我拣我就会拣间唔需要自己动手嘅餐厅食饭，不过为咗小朋友所以都值得。