四面泰泰式火鍋

营业中

休息中

今次一行四人一齐嚟到沙田新城市广场，听讲呢间火锅嘅汤底好正，所以好期待！我哋四个人就叫咗一份二人餐，再加埋四面泰牛肉拼盘同虾胶酿竹笙。坐低之后侍应就会俾每个人三款酱料同一盘虾片（之后仲可以叫佢添），三款酱料分别用嚟配唔同嘅食材，侍应都会一一介绍。套餐可以拣一种或两种汤底，泰国餐厅点少得冬阴功汤底呢～另外就叫咗椰子鸡汤底。火锅汤底上嚟之后，侍应都会提醒我哋可以先饮汤，汤底入面有大虾同鸡肉可以食左先，果然汤底好好饮，本身对椰子鸡汤冇特别嘅期望，但都觉得几好味，多饮几碗都冇问题。大推四面泰牛肉拼盘！牛肉拼盘入面有唔同部位嘅牛肉，有肥牛、牛舌、牛板腱、牛肉粒同泰式腌制牛肉片，牛味好够，大概每款四片，份量刚刚好。至于虾胶酿竹笙嘅话，嗯......有啲普通，虾胶同竹笙无法好好咁结合埋一齐我哋每个人都饮咗啲饮品，但系唔记得影相，我就叫咗泰式啵啵奶茶，就系一般嘅泰式奶茶，唔算太甜。