牛摩 (荃灣千色匯I) (裝修中)

同朋友行街，夜晚第一时间都系谂到打边炉。我哋拣咗$279一个人嘅套餐，可以任食srf美国和牛。汤底朋友 order咗一个虫草花鸡白汤，我就要寿喜烧，寿喜烧汤底另外配咗可食用嘅生鸡蛋。另外都有唔少都系前菜，例如系泡菜，萝卜条，寿司，沙律。饮品都有10几款嘅选择。肉类，海鲜，特别嘅丸类，例如系牛丸，可以喺Online落单，都冇出现漏单情况。出边任食区域，都有唔少选择。有最钟意食嘅 莴笋，芽菜，豆腐，仲有拉面。最钟意呢度可以食埋牛舌，入口嫩滑，唔会咬唔开。srf 美国和牛，重牛味，软身，最钟意食呢只， encore左几次。海鲜都好新鲜，唔会腥，海虾爽口，有虾膏😎。食完主食，一定要食返个雪糕。有原味嘅转落雪糕，仲有唔少配料，例如系朱古力豆，可可脆片，可以加落去个雪糕度。买单都系$600左右，性价比高，啱晒食肉兽。