牛摩 (荃灣千色匯I)

营业中

休息中

天氣開始轉涼，又系打邊爐的最佳時候。同大佬行開荃灣，發現「牛摩」推出左江蘇蟹皇溏心鮑×M9+和牛肉心 90分鐘火鍋放題，依加做緊原價8折的優惠，折後每位只需$308，非常抵食！    ⦁江蘇蟹皇溏心鮑用了安記江蘇蟹皇溏心鮑，嚴選江蘇蟹皇秘製成蟹皇醬去搭配。即食鮑魚口感軟硬適中，整體鮮味濃郁。✨每次只可按人頭計去下單！   ⦁M9+和牛肉心肉質嫩滑，淥一陣，再蘸埋蛋汁，勁加香滑！   另外仲有各種蔬菜、丸類、甜品、飲品等，任君自選！仲有可以自己搭配軟雪糕的口味。😋😋😋   

見星期一至四2:00-4:30pm有$88食88分鐘優惠特登走去試下，只限定Lv1嘅牛肌腹套餐，肉類包牛肉、豬肉同雞肉。可以加錢叫更高等級肉類或海鮮。牛肉完全冇牛味，我以為係豬肉黎，反而豬有豬味，好味過牛，雞肉冇叫。麻辣鍋+$10，冇乜特別，唔香，得個辣字。手機落肉類單嘅時候只可以每種肉類嗌一款，唔知點解要咁。自助吧好少野食，得幾款蔬菜同丸類；飲品都係茶類同可樂、自家製沙冰同雪糕、最抵讚竟然係泡芙，全場最好味。唔洗特登去食，雖然平但真係只對得住個價錢，性價比不高。

最近天氣轉涼，讓我心中燃起想打邊爐的念頭。經過荃灣時，無意中發現了牛摩，決定去試試。原本以為會排很長的隊，結果店內人不算多，立刻找了位子坐下。店員非常熱情，推薦了幾款牛肉，還私心介紹了一些特別的餐點，讓我對這裡的服務印象深刻。我點了M7霜降和牛套餐，賣相非常不錯，肉質也很棒。口感豐富，不會過於油膩，適合多吃幾碟。這種牛肉的肉味恰到好處，非常適合搭配打邊爐的風味。除了肉，配菜也不可忽視。送上的海鮮拼盤，青口和扇貝的水準都相當高，特別是在吃肉開始膩的時候，這樣的清爽搭配剛好。值得一提的是，這裡的炸物選擇也很豐富，除了炸餃子和炸雞，我特別推薦紫薯地瓜丸，外脆內嫩，實在好吃！整體來說，這次的打邊爐體驗令人滿意，人均不到三百元就能享受到這樣的美食，絕對值得再來！

食物唔好食唔新鮮，未夠九點已經冇食物供應員工服務差就算請我都唔會再去，希望有人會睇到我的評論唔好再中伏，價錢已經唔係收得平，希望寫呢個評論唔希望再有人中伏，荃灣大把火鍋真係就算冇得食都唔會去呢間

前幾日同男朋友夜晚唔知食咩好之後經過咗荃灣呢間分店門口服務員態度OK嘅之後就入咗去食最後揀咗M7和牛重點係啲和牛冇牛味 仲要好韌然後個男待應先最犀利竟然將送錯我哋枱嗰個嘢食直接比隔籬枱嚇到我同男朋友即刻下咗出嚟即係佢有機會將隔籬枱嘅嘢俾返我哋食好彩我同男朋友未食過但係真係唔OK 好耐先會有人清一清枱面嗰啲碟同埋成間鋪啲人都好唔情願咁返工黑口黑面咁樣成餐飯食咗$700完全唔抵食以前食午市定量放題會好啲起碼唔會心痛先佢普通牛肉仲好食過呢一個定係其實佢比錯我？

M7霜降和牛賣相幾靚 油脂分佈均勻 牛味算係咁多隻牛肉入面最重嘅（但其實都唔算重不過口感就同想像中有少少出入喇 食落去會有少少靭 佢算係嗰種可以一試但唔會再試嘅牛值得一讚嘅係佢炸物真係唔錯 完全冇油膱味 章魚小丸子外層好脆 而且夠熱紫金地瓜丸外脆內軟 煙韌韌咁好有咬口 日式炸餃子就正正常常啦 炸雞塊配沙律醬就有啲奇怪喇 另外大豆味會有啲重 個人嚟講就唔太鍾意喇值得一讚嘅係雞白湯會有兩個牛摩嘅樣幾得意 另外佢都比想像中好食 雞味就唔太明顯嘅 不過勝在鹹鹹地咁襯拉麵唔需要再加任何調味都幾好食

喺鄰住買，買左$398買一送一套餐黎到揀左個麻辣鴨血湯底要另加$10另外再收加一total $459兩個人D牛好似食緊香口膠食到一半咬吾到要吐返出嚟雞有幾大陣雪味簡直唔覺得呢個價錢

✨牛摩做緊A5和牛買一送一優惠，$518每人加$30仲可以追加飲品同甜品自助放題區添。✨湯底好特別：長野蘋果湯，用鼻聞已經聞到好香，食落好清甜同好清新；關東風壽喜燒甜甜地😋✨A5和牛色澤夠紅，油脂分布好平均，厚薄亦都適中，淥幾秒就可以食得，仲好重牛味添，我都係第一次食，真係值得推介😋✨另外仲嗌咗牛小排同牛肩胛，牛小扒都幾有咬口👍🏼阿古豚梅肉，口感軟腍。✨海鮮:廣島蠔🦪、半殼扇貝、半殼青口、魷魚圈、海蝦都好新鮮同幾大隻。✨小食：蟹肉忌廉薯餅入面好creamy,、雞軟骨細細粒好有咬口、一口芝士幾香口、枝豆，甜薯都係必食既。✨自助區：有多款醬料、沙律🥗、壽司🍣、丸類、蔬菜🥬、甜點、飲品、自助雪糕機等等。✨甜品：斟咗半杯熱情果雪芭，唔會太甜;雪糕好軟滑，仲可以自己加啲脆脆添😋#牛摩 #放題 #任食 #打邊爐 #優惠 #火鍋 #wagyumore #wagyumoreplus

相信有幫襯開日式火鍋連鎖店都會知「牛摩」，岀名經濟又實惠，仲要質素唔差莫過於呢間嫁喇！坐位又大又闊 仲要張枱夠大 岩灑我地呢啲要叫到成枱都係食物嘅人😋😋岀面自助區一樣令到人花多眼亂，除左常見嘅丸類同疏菜類放題外，仲有令人興奮嘅甜品同小食區，真係牛到未到齊已經食飽左個肚喇！今次同朋友就試左A5和牛放題。依家仲做緊全線買1送1 ，即係任你食，食幾多碟和牛，人均都只係一半價錢： $259，真係抵食之選！店員一放上枱已經見到滿佈霜降雪花紋，非常漂亮。肉質新鮮嫩滑，油脂分佈均勻，只係淥幾秒就食得，入口即溶 仲可以仼叫 真係食得多都唔會油膩。食到咁上下仲可以order 埋海鮮食，海蝦，魷魚圈，帆立貝等都非常新鮮同鮮甜。食埋自制嘅甜品雪糕作收尾就非常滿足了！#牛摩 #放題 #任食 #打邊爐 #優惠 #火鍋 #wagyumore #wagyumoreplus📍荃灣眾安街68號千色匯I期2樓2031號舖

平日經過千色匯，見到呢間做緊A5和牛放題做緊半價優惠價錢好抵食，每人都係二百零蚊，平日食個普通邊爐都唔止，一於試試！選咗兩款湯底牛骨湯同埋博美人骨膠原啫喱雞白湯骨膠原雞白湯呈乳白色，味道清甜，推薦👍先食A5和牛🥩牛肉味濃，雪花分布平均🫶🏻呢隻A5和牛唔會太肥膩，所以食得多都唔會覺得滯，而且仲係任食，係任食！！真係冇得輸！😎另外牛小排都推介，肉質鮮嫩，有豐富嘅脂肪！而牛舌味道就中規中矩！出面有唔同嘅火鍋配料任君選擇而且仲有壽司同沙律等等！夠晒豐富海鮮選擇都幾多，廣島蠔好肥美，而海蝦夠彈牙！嘢飲選擇都好多咖啡果汁汽水等等都有！最後仲有個甜品櫃，有泡芙布甸等等，食到好飽🫶🏻🫶🏻

今日我同朋友嚟咗荃灣一間連鎖打邊爐專門店，聽聞佢哋有個A5和牛放題，價錢二百零蚊一個人，真係好抵食！一入到店，環境明亮舒適，座位間隔亦都唔錯，唔會覺得擠迫，令人感覺輕鬆。我哋立即就決定試下呢個A5和牛放題。服務員非常友善，詳細介紹咗所有選擇，令我哋更加期待。首先上嚟嘅係A5和牛，肉質真係好厚，色澤鮮艷，而且油花分布均勻。當我哋將牛肉放入鍋中煮嘅時候，油脂慢慢溶化，散發出令人垂涎的香氣。牛肉煮到五分熟，咬下去真係好嫩滑，入口即化，完全冇腥味，真係令人驚喜！除咗A5和牛，仲有其他牛肉任食，包括牛小排、牛肩肉、牛舌等。我哋仲試咗牛小排，肉質一樣好嫩，帶有一點嚼勁，十分過癮。牛舌就更加特別，切得薄薄的，煮熟後的口感滑順，配上少許調味醬，真係好好味。當然，雞肉和羊肉都唔可以錯過，雞肉嫩滑，羊肉味道濃郁，絕對係好選擇。而且，呢間店仲提供咗海鮮，包括蝦、蠔、帆立貝等，食落去非常新鮮，尤其是蝦，彈牙得不得了，簡直係海鮮控的最愛！仲有好彈牙嘅墨魚滑，口感好特別，煮熟後香味四溢，真係好令人滿足。飲品方面，選擇亦都好豐富，有本地和台灣的汽水，無糖茶等，街外好少見到呢啲選擇。飲一杯無糖茶，正好可以解膩，搭配火

想食想食性價比高嘅火鍋任食， 今日嚟咗牛摩喺荃灣嘅分店。餐廳座位闊落，有好大嘅落地玻璃。 我哋試咗 平日晚市正價$189 特選美國牛肩胛套餐， 呢個價錢食到呢個質素嘅牛肉算係好抵食。湯底係一人鍋，推介壽喜燒湯底，佢會送粒日本蛋，啱曬夾啲牛肉一齊食。自助區有唔少嘅嘢食種類， 有壽司前菜有火鍋配料， 同埋有甜品區。 選擇都尚算豐富 但係主角都係係啲牛肉入面。另外我哋都試咗套餐入面嘅豚肉同埋羊肉，仲有牛摩飯， 個人覺得主力可以食返牛肉同埋豚肉。推介比想食火鍋任食同時亦都追求性價比高嘅朋友嚟試下。性價比高嘅火鍋任食， 今日嚟咗牛摩喺荃灣嘅分店。餐廳座位闊落，有好大嘅落地玻璃。 我哋試咗 平日晚市正價$189 特選美國牛肩胛套餐， 呢個價錢食到呢個質素嘅牛肉算係好抵食。湯底係一人鍋，推介壽喜燒湯底，佢會送粒日本蛋，啱曬夾啲牛肉一齊食。自助區有唔少嘅嘢食種類， 有壽司前菜有火鍋配料， 同埋有甜品區。 選擇都尚算豐富 但係主角都係係啲牛肉入面。另外我哋都試咗套餐入面嘅豚肉同埋羊肉，仲有牛摩飯， 個人覺得主力可以食返牛肉同埋豚肉。推介比想食火鍋任食同時亦都追求性價比高嘅朋友嚟試下。

香港真係一個美食天堂黎，不論中美法日俄嘅菜式都應有盡有，就好似火鍋咁都五花八門，今次去試食呢間喺香港都有一定人氣嘅牛摩。大家都知，香港人有幾鐘意日本都唔使多講，今次我地夜晚平日去食，雖然未去到爆場，但都見有唔少枱喺到打緊邊爐，都俾到好強嘅信心俾我地，呢到我個人認為最大特色係可以一人一鍋又或者一大班人一鍋又得，方便啲鐘意衞生嘅朋友仔。我地今次就嗌咗LV4牛小排嘅任食套餐，叫個鴛鴦鍋，分別係蕃茄酸辣湯同埋蟲草花雞白湯。特別推介蕃茄酸辣湯，零舍開胃。一埋位就緊係去佢個自助區睇下有咩拎有咩飲。基本上講得出嘅蔬菜都準備好晒俾你夾返去，另外最驚喜就係飲品區，真係由罐裝飲品到啤酒再到果汁再到沙冰，有糖無糖，諗到諗唔到都有得俾你飲，呢點抵讚。牛小排真心超好味，食完之後再另外叫多3碟，實行食返夠本✌🏻而就算其他肉類包括牛同豬，質素都唔錯，對得住個價位。而我地因為太肚餓，都叫啲啲熟食，好似芋泥波波、日本甜薯同牛摩飯。但個日本甜薯就真係食過最唔甜嘅一次😂😂而火鍋料除咗蝦滑有改善空間之外，其他都真係唔錯。最後我地埋單每人$278，呢個價錢可以食到靚嘅牛小排，都可以話日本火鍋性價比之選，當然牛摩仲有好多唔同Lv

突然諗起好耐冇同娘親食飯就近近地去咗荃灣牛摩打邊爐 叫咗個LV4嘅牛小排套餐 $278/1人 再10%服務費老實講呢間嘢啲嘢食愈嚟愈唔好食但唔算貴就諗住都算啦點知今次見到啲清潔都唔係做得幾好出面拎嘢食啲碟都仲夾住粒蔥不過係入面唔係幾方便影相永遠最好食嗰啲都係第一碟之後再落order嗰啲全部好似第二款肉咁當然問佢嗰陣佢實話唔係啦佢咁堅持我都實在冇辦法明明咬落去個口感都唔一樣海鮮都尚算新鮮 飲品個啲全部都基本嘢正常發揮不過我真係未必會再嚟啦

同家人響荃灣行街，於荃灣千色匯試咗呢間火鍋放題😝晚市有9款火鍋湯底，6款放題種類，價錢各有不同，都幾多選擇。餐廳坐得舒服，上菜快、食物種類多、質素唔錯，絕對係平靚正之選😆👍‼️我地揀咗lv2 美國IBP牛板腱 🐮🐮牛摩既湯底係一人一鍋🤩可以揀兩款湯底昆布鰹魚清湯+ 蟲華花雞白湯兩個湯底都幾入味，用來打邊爐一流！❇️牛板腱、牛肩肉🥓🥓牛肉味濃，肉質不錯，唔會太肥幾好食😋😋而且份量非常多，我同朋友不停encore~ 下次可以試下upgrade其他套餐😝❇️豚肉片🐷 肉質入口軟滑，都幾好食❇️海鮮類有魷魚、帆立貝、墨魚滑等❇️ 牛摩飯配溫泉蛋🍚🍚🍳肉醬飯配上紫菜、溫泉蛋，美味👍❇️自助區有齊火鍋配料、飲品、甜品雪糕同埋醬料。蔬菜都幾多選擇，都好新鮮🥬🥬🍅🌽 有生菜、蕃茄、金菇、冬瓜等，蓮藕片和萵筍入口爽脆！❇️除咗一般紙包同罐裝飲品，估唔到重有鮮果汁同沙冰🧃🍹🍹❇️甜品既雪糕不過不失，可以自助落多款配料，為晚餐作一個完美的句號🥰❣️🍦🍦📍牛摩 (荃灣千色匯I) (荃灣)荃灣眾安街68號荃灣千色匯I 2樓2031號舖#牛摩 #放題 #任食 #打邊爐 #優惠 #火鍋 #wagyumore #wagyumorepl