自助山

营业中

休息中

刺身bar、烧牛肉位同埋甜品柜位嘅侍应都黑口黑面咁，话晒呢间餐厅价位都算贵价，但服务态度居然仲不如啲茶楼阿姐好，明显地唔够专业。同烧牛肉个位阿哥讲要三片牛肉，佢净系切一片俾我，附近亦都冇提示牌话牛肉系限量供应，每人每次只可攞一片。而甜品柜个位阿哥就系会将啲蛋糕dum系个柜上面，而唔系放系客人只碟度。食物方面，啲冻海鲜好一般，冇鲜味，得海水嘅咸味。热食都麻麻哋，冇乜特别。而且部分食物限量，例如天妇罗虾去咗几转都冇，我俾咁嘅价钱去食自助餐，结果系限量供应。估唔到网上风评不错嘅餐厅，居然会咁伏，唔会光顾。