牛牛台式鴛鴦火鍋

营业中

休息中

虽然嘢食唔算特别好味，种类都唔系多，但毕竟价钱唔贵，场内嘅食物质素同款式都叫对得住个价。但啲服务就真系太离谱，比亲啲嘢职员佢哋都唔系就咁接，系一野抢过去，无论交落单纸定埋单俾钱都系咁。最后埋单𠮶阵个姐姐一行过嚟就话要埋咗张单先，然后企定定喺度唔走逼我哋要即刻埋单，但又唔俾单我哋睇，净系自己喺度对住一叠单数数，后尾比张信用卡佢又系抢走嘅。最离谱系，攞返张信用卡返嚟嘅时候，佢竟然唔系俾返卡主(即系我)，而系就近递俾我个朋友。因为信用卡有啲问题，比佢攞走左两次试碌，但两次返嚟都系俾卡我朋友而唔系比我。我朋友都呆一呆，同佢讲咗句「唔系我㗎㖞」，佢先好似如梦初醒咁俾返张卡我。乜而家啲信用卡可以随便俾人㗎咩？如果我唔喺位，对面𠮶个又唔系同我好熟嘅朋友，俾人盗用信用卡边个负责？呢个已经唔系服务态度问题咁简单，成件事好离谱！以前去过好多次，次次啲态度都令人唔太高兴，只系唔算大件事所以我都算数，但今次信用卡呢个问题真系离谱得过分，忍唔住先要过嚟投诉。