湯。雞

营业中

休息中

真系估唔到，呢间小店啲汤底，真系唔错。砂锅姬松茸虫草花螺头花菇鸡银针粉（$80）约十分钟，一上枱，已经好香菇味。先呷一啖汤，鸡汤混和菇香再带少少甜味，好味道。鸡比咗脾位，鸡肉好嫩滑，室温浸落热汤，微温易食。姬松茸、虫草花、螺头、花菇，每样配料都足，食到尾都仲有。银针粉份量多，索哂汤汁，口感好𡁻头。醉三宝红薯粉（$75）鸡中翼，4件单骨，入味，皮爽口但肉稍嚡。牛舌，约十多片，有厚有薄，够味，腍身。猪肚，约十数条，爽口弹牙，三款个人觉得最好食。汤底系药膳汤，有沙参、圆肉、淮山，味道清甜。红薯粉份量及味道正常。