十十川滬料理 (已結業)

同朋友肚饿嚟喺朗豪坊睇吓有咩食，见到有间新川菜，所以谂住试吓，叫咗个凉拌莴笋同埋水煮牛肉。个凉拌莴笋，就正正常常不过不失，麻油味好重，莴笋算系清脆新鲜。但系个水煮牛肉就劲难食，我哋仲加咗宽粉。啲宽粉好似未熟咁样又黐埋一旧，同埋佢比平时见开嘅宽粉更加幼细少少，啲牛肉仲要有浸怪味，𠮶一浸牛腥味，食到我争啲呕🤮🤮 平时食𠮶啲平嘅肥牛都唔见有呢浸味，我谂佢真系好唔新鲜🤢🤢🤢系得入边嘅芽菜系正常嘅😅下次唔会再嚟食，其实川菜有好多选择，呢间嘅水煮牛肉 真系我食过最难食嘅。佢除咗要加服务费之外 仲要加茶钱 但系劲难食唔值得嚟食 旺角有更加好食嘅嘢 真心！