牛響度麵館 (Aeon Style)

营业中

休息中

今日经过黄埔food court，见到呢间个名好得意，就睇吓佢啲牛系唔喺度？😆😆😆佢嘅餐牌好多种类，见佢汤底都比较特别，例如系沙茶牛肉，同埋有牛腩拌面我哋叫咗一个沙茶牛三宝汤面一个猪三宝热拌刀削面，汤面有得选择唔同汤底，我哋拣咗椒麻蕃茄汤，另外个拌面我就拣咗拾香椒麻，另外再叫咗一个小食，韭菜猪肉小云吞，两个手冲冷泡茶。汤面嚟到嘅时候好大碗，见到材料都好多；个汤底好浓郁蕃茄，但系又食得出有椒麻嘅味道，大家都唔会抢咗对方嘅味道。我老公都话唔错，初头我想将佢转做刀削面，但系后尾冇转到，发觉用佢呢只面都几好食👍🏻佢啲牛腩牛筋都好好食，好淋好软，仲有流心蛋，好丰富评分：👍🏻👍🏻👍🏻👍🏻/5至于个猪三宝拌刀削面，面质好弹牙，材料都好多，唔怕话食晒啲面就冇晒啲𩠌，系啱啱好。而且佢个汁底都足够我拌面，唔怕话好干争争。评分：👍🏻👍🏻👍🏻👍🏻/5而个小食，都食得出系即刻炸，细细粒好容易食，外皮脆卜卜。评分：👍🏻👍🏻👍🏻/5至于两个冷泡茶，好好饮，我叫咗柳橙，真系饮得出有啲果肉同埋个茶，唔错唔错。评分：👍🏻👍🏻👍🏻/5大家如果经过food court，可以过嚟试一试。整体味道指数：😋😋😋😋/5性价比：💰💰💰