袁記雲餃

营业中

休息中

经过荃湾街市嘅袁记云饺，佢独特嘅云吞同饺子好出名，下午茶仲有饮品送呀！😚- 三鲜虾仁饺（网红混酱干拌）🐷🌶️三鲜虾仁饺入面包住弹嫩嘅虾仁同埋鲜美嘅猪肉。第一啖咬落去非常鲜美，配埋混酱嘅香辣感同埋层次分明嘅口感，令我忍唔住一啖接一啖，根本停唔落嚟！- 鲜虾蟹籽云吞（花生酱干拌）🍤🥜鲜虾蟹籽云吞皮薄到睇图都见到透咗入面嘅蟹籽出嚟，入面嘅馅料有鲜虾嘅鲜甜同蟹籽嘅鲜香，真系好好味！加埋花生酱嘅浓郁味道，又咸又甜，同云吞嘅鲜味完美结合！- 和味牛腩🐮牛腩散发住诱人嘅香气，肉质软嫩，汤汁浓郁到令人十分惊喜。每一口牛腩都好似喺嘴入面融化，加埋香料嘅余韵，令人感受到家常嘅温暖。- 鲜搾粟米汁🌽粟米汁香甜温暖，啱啱好令成餐饭更加圆满。喺袁记云饺唔单止可以品尝到美味嘅饺子同云吞，无论系口感定系创意，都令人感受到呢间店嘅用心！而且店入面仲有山水画家何百里所题赠嘅字画，十分珍贵！食完嘢不妨望多两眼 (=ﾟωﾟ)ﾉ