印度野

营业中

休息中

因为睇完套音乐剧话有优惠，所以特登去试下，入去商场揾咗阵先揾到，坐位比较少，间铺望少夹摄，但食物一上枱，彷佛去咗间靓餐厅。首先啲碗碟几靓。叫咗个奶油咖喱鱼同香料咖喱牛舌，两个都$62，肉嘅份量比出面平时嘅多，亦好好食。奶油咖哩酸酸甜甜好正好香，我个friend唔太食辣都食唔停口。+$15配咗个奶油薄饼同蒜蓉薄饼，蒜蓉薄饼比较厚身，香厚软淋，奶油薄饼比较薄同烟靭，第一次食呢种口感，觉得都系厚身嘅啱点酱多啲。+$15 叫个mango lasi，系少少偏甜同唔够冻之外，真系好好饮，觉得系真材实料。最后加点咗个炸乳酪$42，可惜啲咖喱太好食，成口都系creamy咖哩同lasi香味，我食唔到咩味。真系冇谂过间野望落咁普通但啲野好食又抵食，姐姐招呼又好人，所以要献出我第一个食评赞下间嘢。