過橋麵檔

营业中

休息中

今日同朋友3个人去元朗行街，其中一个 friend带我哋嚟呢间过桥面档，话又平又好食。我哋点咗咕噜肉(有白饭跟), 豉油鸡菜饭， 霸王鸡菜饭， 4𩠌拼盘， 仲有3碗老火例汤。咕噜肉都算大碟，系即炒小菜，菠萝系新鲜菠萝，但觉得咕噜肉嘅粉浆炸得唔够脆，嚿肉淋淋哋，扣咗分。霸王鸡好食，碟鸡都几大碟，配料同鸡汁非常正，菜饭亦好食，极力推荐。豉油鸡亦系好大碟，但觉得啲鸡肉唔够滑，只靠豉油鸡汁，好普通。四𩠌拼盘拣咗鸡肾，卤大肠，猪手同猪耳；呢碟系卤水拼盘，啲𩠌好入味，仲有咸酸菜伴碟好醒胃。每个餐都可以加 $8 要老火例汤，今晚系节瓜鸡脚汤，热辣辣上台，碗碗都有汤渣，系真材实料煲的，好味。