南朗餐廳 (已結業)

是日午餐，依然喺黄竹坑食，所以就去到南朗山道熟食街市试一试，今次就拣咗南朗餐厅，食西餐为主，不过下午茶时段都会有返港式小食。价钱正常，最平$42，平均消费我谂$50-60左右，除咗全日餐牌之外，仲有个厨房推介，我就嗌咗餐牌上嘅F餐即系南朗猪颈肉喇沙米线。卖相其实系唔错，不过汤底一睇只颜色就知道唔会系我想食嘅新加坡喇沙味，食落就更加食得出个味道分别，纯粹系一个淡淡地嘅咖哩汤底，有别于传统带点微辣又重椰汁味嘅喇沙汤底，所以有点失望。不过起码猪颈肉食落香口，而且有少量配菜调下味，如果唔系个「喇沙」真系唔食得。饮品方面就奉送汽水，港式冷热饮品就要加钱，汽水选择都算多，整体嚟讲系，下次再去会试第二个餐，同埋夏天去的话应该会好热。