影片
更多
2019-12-29
155 浏览
Chatterbox Cafe #尖沙咀记得呢一间海南鸡饭啱啱嚟到香港嘅时候掀起一番热潮，话晒都系新加坡文华酒店嘅驰名海南鸡饭，直到而家都系要排队，好彩当日五点就去到，唔使排队直接有得食！🐓 文华海南鸡饭 $118其实见到大部份嘅食评都系麻麻地，但依然犯贱地想试一试，可能期望太低，又冇我想像中咁难食嘅，不过就称得上系最好食嘅海南鸡饭。海南鸡虽然浸住咗系啲甜豉油上面，但系食落去依然系淡茂茂。另外仲配有三种由新加坡运来嘅酱料，分别为辣椒酱、姜蓉、酱油，就算点完都系一般。提一提佢嘅辣椒酱真系好辣，千祈唔好贪心点咁多啊！虽然啲鸡系用上走地鸡，但系肉质真系好鞋。胜在唔肥腻，而且已经起晒骨。可取之处系佢个油饭算唔错，香得来又唔会觉得油腻，用咗泰国旧米，粒粒分明。另外仲配上一碗鸡汤，入面有豆腐，清清地咁，尚算可以。但系以呢个价钱来讲我就觉得唔算特别抵食，之前喺北角食过一间叫琼妈妈嘅好味一百倍，如果要排队嘅话就唔建议食。味道: 3.2/5性价比: 3/5招牌鸡肉喇沙 $108相反佢嘅喇沙就令人满意得多，喇沙汤混入左多种香料同埋干蒜， 香浓、重椰酱味，带少少辣更添惹味。唯独系争咁少少海鲜嘅鲜甜，成个汤底
记得呢一间海南鸡饭啱啱嚟到香港嘅时候掀起一番热潮，话晒都系新加坡文华酒店嘅驰名海南鸡饭，直到而家都系要排队，好彩当日五点就去到，唔使排队直接有得食！
🐓 文华海南鸡饭 $118
其实见到大部份嘅食评都系麻麻地，但依然犯贱地想试一试，可能期望太低，又冇我想像中咁难食嘅，不过就称得上系最好食嘅海南鸡饭。
海南鸡虽然浸住咗系啲甜豉油上面，但系食落去依然系淡茂茂。另外仲配有三种由新加坡运来嘅酱料，分别为辣椒酱、姜蓉、酱油，就算点完都系一般。提一提佢嘅辣椒酱真系好辣，千祈唔好贪心点咁多啊！
虽然啲鸡系用上走地鸡，但系肉质真系好鞋。胜在唔肥腻，而且已经起晒骨。
可取之处系佢个油饭算唔错，香得来又唔会觉得油腻，用咗泰国旧米，粒粒分明。
另外仲配上一碗鸡汤，入面有豆腐，清清地咁，尚算可以。
但系以呢个价钱来讲我就觉得唔算特别抵食，之前喺北角食过一间叫琼妈妈嘅好味一百倍，如果要排队嘅话就唔建议食。
味道: 3.2/5
性价比: 3/5
招牌鸡肉喇沙 $108
相反佢嘅喇沙就令人满意得多，喇沙汤混入左多种香料同埋干蒜， 香浓、重椰酱味，带少少辣更添惹味。唯独系争咁少少海鲜嘅鲜甜，成个汤底望落去亦都灰灰鞋鞋色，唔算太讨好。
好在呢个喇沙入面啲鸡肉又滑啲㖞，而且浸住喇沙汤，有味好多。另外仲有几块鱼片，比一般市面上嘅鱼片弹牙鱼香。
另外喇沙面系用咗米线，有别于平时食开嘅油面或者米粉，好彩米线都几爽口弹牙，甚至比好多米线店煮得好，而且都几挂汤，好食过佢嘅海南鸡饭！
味道: 3.6/5
性价比: 3.2/5
招牌文华海南鸡饭
$118
93 浏览
1 赞好
0 留言
招牌文华海南鸡饭
$118
69 浏览
0 赞好
0 留言
招牌鸡肉喇沙
$105
68 浏览
0 赞好
0 留言
张贴
