港麵子 (已結業)

星期日晚饭时间，舖入面坐咗一半人都冇。枱面果樽要收5蚊嘅水到底想点呢？佢地又有水供应架㖞，当然你唔叫又唔会斟比你啦。不过放心，冇收加一服务费嘅。叫咗个椰香挂汤海鲜喇沙，问个侍应有冇得少面，佢劲惊讶，唔想嘥野啫，有几出奇。讲返碗面，面质几弹牙，坚有椰香，坚挂汤（呢个难，好多舖头都系得个吹字），坚系喇沙而唔会劲咸，令人好想饮晒啲汤。佢有五粒豆卜系令人感动嘅，有啲舖头比得两三粒，豆卜先系喇沙嘅精华嘛大佬！不过，问题就出喺啲海鲜度，有虾、蚬肉、鱿鱼圈，都算足料，起码冇比蟹柳厄我。我冇咁叻，食唔出啲海鲜系唔系全部雪藏货，但肉质ok，冇霉，冇雪味，唔只，系一啲味都冇，同碗喇沙完全系两样野咁。但鬼叫碗野88蚊，真系死都要啃晒佢。