Mee...lemongrass (已結業)

朋友介绍话坑口有间食喇沙几好食嘅餐厅，所以系附近收工就去左呢间餐厅等位食饭，咁都几多人等位，所以如果唔想等位就早d去啦。餐牌上都有多款食物及饮品选择。我地就当然就叫左个Mee喇沙啦，入面除左有大虾之外，仲有蚬、蟹柳、鱼蛋、豆卜。份量方面都几大碗，完全适合2个人share食。汤底方面，个人认为非常适合香港人口味，整得好好食。另外叫左碟大虾炒金边粉，味道几好，甜甜地辣辣地，好好食，好开胃。我地仲叫左地道串烧，有2串牛，2串鸡，仲配左3块多士。串烧热辣辣送上好好。甜品方面，我地就叫香芒椰汁糯米饭，送上黎嘅时候用左个拖鞋形状嘅碟装，好有心思。芒果唔酸非常好，糯米饭亦唔会太硬，好味。cool爆鲜士多啤梨冰冰消暑一流。