土司工坊 (青衣城1)

营业中

休息中

父亲节前一日同老公加细女行下街。行到咁上下我肚饿，决定要去食个下午茶。老公见到呢度有我中意食嘅喇沙就决定系度食。喇沙汤面：汤底的确好香椰汁味，辣味亦刚好，厚厚嘅汤底令人忍唔住咁饮多几啖，有2只虾同5片鱼片，鱼片系比起香港平时食嘅硬身，较弹牙。虾肉都明白唔系新鲜虾但冇雪味已足够。入面仲有d芽菜，米线吸收左汤底够惹味。难怪系呢度嘅best seller 。老公叫左个辣炒虾米软包餐，入面嘅虾米果然够辣，因为炒过嘅关系虾米更香口，包亦都名不虚传地好松软，仲有一种牛油香味。包餐跟半熟蛋或煎蛋，老公拣左煎蛋，加埋佢地嘅酱油膏食一流，酱油膏够甜加埋落蛋度食好正。另外叫左件斑兰蛋糕比个女食，未食已经闻到好香嘅斑兰味，蛋糕亦十分松软、又唔会太甜，我女食到停唔到口。我饮热咖啡，但唔够我上次饮咁香滑，唔知系咪因为唔同人冲。老公叫左杯蜜桃汽水，其实只系加少少糖水系底再倒露碧落去加几片桃，所以加十几蚊又好似唔多抵。不过总括黎讲呢度系好多野食都好味嘅。