影片
更多
2006-11-12
109 浏览
星期六BBQ前系呢间工厂区楼上cafe食个lunch,一来方便集合坐车,二来都想试下被鱼鱼包围感觉。撑左二层楼梯上到餐厅,地方唔系太大,星期六人客都唔系太多,只系侍应安排座位方法就真系有d问题。我已经讲左有三位,女侍应竟然安排一张二人台加一张椅比我地??!! 我要求坐另一张较大既4人台(但又系加一张椅变成五人台),女侍应话:有可能要搭台㖞! (下??搭台??!!)女侍应继续话:呢张好呀,可以睇到鱼缸,大个张睇唔到...好!我坐,反正隔离几位阿姐都就黎走既样,到时我自己转!餐牌选择都算多,自己拣左龙虾汁虾球天使面;tyty拣左忌廉汁田螺宽意粉。罗宋汤:色泽好淡,虽然蔬菜份量几多,但味道真系唔够浓,唔对我胃口,而且罕有地无配面包,well....龙虾汁虾球天使面:造型完全引唔起食欲,望上去好似斋面一碟。龙虾汁味道似有还无,真系要味觉好敏感至感受得到;天使面质感还可,唔太淋但食落似食米粉多d;虾球4大粒,虾肉都几爽口,但唔觉有鲜味;全碟仲有数得出既数薄片蘑菇,食左几口已经叫未上黎朋友食完野至好黎。至于tyty个碟,味道都系好淡,但已经比我呢碟有味道,意粉口感都ok;似乎厨师真系崇尚少盐健康煮
撑左二层楼梯上到餐厅,地方唔系太大,星期六人客都唔系太多,只系侍应安排座位方法就真系有d问题。我已经讲左有三位,女侍应竟然安排一张二人台加一张椅比我地??!! 我要求坐另一张较大既4人台(但又系加一张椅变成五人台),女侍应话:有可能要搭台㖞! (下??搭台??!!)
女侍应继续话:呢张好呀,可以睇到鱼缸,大个张睇唔到...好!我坐,反正隔离几位阿姐都就黎走既样,到时我自己转!
餐牌选择都算多,自己拣左龙虾汁虾球天使面;tyty拣左忌廉汁田螺宽意粉。
罗宋汤:色泽好淡,虽然蔬菜份量几多,但味道真系唔够浓,唔对我胃口,而且罕有地无配面包,well....
龙虾汁虾球天使面:造型完全引唔起食欲,望上去好似斋面一碟。龙虾汁味道似有还无,真系要味觉好敏感至感受得到;天使面质感还可,唔太淋但食落似食米粉多d;虾球4大粒,虾肉都几爽口,但唔觉有鲜味;全碟仲有数得出既数薄片蘑菇,食左几口已经叫未上黎朋友食完野至好黎。
至于tyty个碟,味道都系好淡,但已经比我呢碟有味道,意粉口感都ok;似乎厨师真系崇尚少盐健康煮食法。tyty评语为:呢度唔算系楼上cafe,极其量系一间餐厅搬左上2楼,而且叫我帮佢比多个喊面。
冻咖啡:似乎系即磨货色,味道ok,不过最特别一样系杯中无冰!但杯咖啡又唔系冰冻bor,唔知想点??
呢度的确系有2个大鱼缸又有小鱼缸,d鱼鱼都真系几靓,只系食物无甚可取,服务又唔得,虽然后来帮我地转梳化位,但已经弥补唔到头先既不快,再黎既机会系零。
张贴
