屋喔 (已結業)

记得小肥契哥喺湾仔揾唔到迷你兵团灯笼俾家中小堂弟妹及一众姨甥今年过中秋，寻日契妹喺中环永安街一见到 ，就立刻通风报信，好等XO仔一收工可以立即赶去买。购物任务完成当然系要慰劳契妹个肚啦，两个人就行咗入去成条机利文新街最黄o既「屋喔 O'Casa」，衬返班可爱o既迷你兵团 。餐室两层高，六点九已全店满座 ，门外更开始排出人龙，如果大家黎食要预咗搭枱。由于人多唔多方便影相，小肥唯有抬头拍下有型o既吊灯。店内身穿黑色制服o既服务生全部都好后生，活力充沛，干劲十足，大家有讲有笑，配合背景轻快o既音乐，气氛极为轻松。谂食咩之际，我地各自先叫咗杯特饮解吓渴。冰蓝蝶花蜜梨茶（$32）：XO仔杯紫蓝色冻茶高高大大，外表非常震撼，入口花味唔浓，但果味清甜 ，清新消暑。契妹选择食晚市套餐，小肥就叫咗门外正在推广紧o既饭品，跟住再加咗客特色小食黎分。 松露野菌蚝仔炖饭（$72）：个人未听过「炖饭」，原来质感就好似意大利饭risotto咁，烟韧湿润。肥美o既蚝仔同松露野菌好夹，炖饭唔溜，不过如果可以再热少少应该会更加美味。 屋喔台式盐酥鸡（$38）：盐酥鸡香脆无比，炸得又够干身，实属送酒佳品，以店