老夫子餐館 (已結業)

好友今日打电话黎约聚餐, 话去多次喺太子既"老夫子餐厅"。我先醒起上个月去过, 但系冇写出黎。上次其实系我第一次去, 去到大厦门口已有成个人咁高既老夫子像摆咗喺到, 咁就ㄧ定冇揾错地方。沿楼梯上去, 已见到成间以老夫子漫画人物作布置既餐厅, 儿时回忆即时涌现。如果钟意睇老夫子既, 果到直情系打卡既好地方。当日我见到既侍应全部系年青人, 服务态度谦恭有礼, 值得称赞👍我地果日点咗两份lunch set: (1)干炒猪扒河粉, (2)卡邦尼烟鸭胸炒意粉。 Lunch set有汤, 主菜, 同埋饮品。干炒猪扒河粉比想像中好, 河粉虽然唔可以媲美大酒楼既镬气, 但都可口, 猪扒好林滑。反而个卡邦尼烟鸭胸炒意粉较干, 鸭胸切成条状不够香, 份量好少, 感觉唔系好值。听讲呢间餐厅既蛋糕几好食, 叫lunch set加$20就可order1件, 可惜果日已食到好饱冇order到。今次再去就可以试下。