影片
更多
2021-12-29
1277 浏览
之前成日行经水坑口街嘅「越芦越南牛肉粉」，但都无乜兴趣帮衬，因为觉得佢系连锁店🙈。不过呢晚赶时间，唔得闲慢慢拣食乜，就决定一于入去试吓，反正简简单单又一餐。呢度环境几舒服，卡位好坐，而且整体算几干净企理👍。另一边厢，我睇完餐牌后亦对餐厅有所改观，皆因佢提供嘅菜式选择繁多，甚至乎有一啲几特别嘅菜式，例如鸭仔蛋同会安蕃茄檬粉。我同朋友一人叫咗一个主食，再加小食同甜品，估唔到食物份量咁惊人😱，食完饱到一个点。虽然食物定价稍高，但真系畀足嘢你食！家乡猪腩肉丸伴檬粉($138)，嗌佢主要系因为想试吓啲猪肉类菜式🐷，呢款有两味就啱晒！第一款系烤手工槟榔肉丸，肉丸质感偏淋身，并非爽弹𠮶类，而且味道特别，加入咗黑椒吊味，另外亦附有软骨粒粒以添口感。第二款系河内烤猪五花，猪腩大大片，肥瘦适中唔干身，有一定厚度兼咬口，并渗透出啖啖香茅味😋。菜式无论𩠌定面都好多，檬粉虽然大堆头，但无浆成一饼，倒鱼露捞嚟食几惹味，🌶不过辣度都唔野小。生牛肉牛腩片牛肉丸汤河($86)，🐮牛三宝Pho系稳阵地好食。汤底几浓郁，又唔油，饮完唔觉口干，证明应该唔重味精🤤。河粉几滑，唔碎湿湿，连埋洋葱、芽菜同香花菜一齐食，口味正宗。三
之前成日行经水坑口街嘅「越芦越南牛肉粉」，但都无乜兴趣帮衬，因为觉得佢系连锁店🙈。不过呢晚赶时间，唔得闲慢慢拣食乜，就决定一于入去试吓，反正简简单单又一餐。
呢度环境几舒服，卡位好坐，而且整体算几干净企理👍。另一边厢，我睇完餐牌后亦对餐厅有所改观，皆因佢提供嘅菜式选择繁多，甚至乎有一啲几特别嘅菜式，例如鸭仔蛋同会安蕃茄檬粉。
我同朋友一人叫咗一个主食，再加小食同甜品，估唔到食物份量咁惊人😱，食完饱到一个点。虽然食物定价稍高，但真系畀足嘢你食！
家乡猪腩肉丸伴檬粉
$138
34 浏览
0 赞好
0 留言
家乡猪腩肉丸伴檬粉($138)，嗌佢主要系因为想试吓啲猪肉类菜式🐷，呢款有两味就啱晒！第一款系烤手工槟榔肉丸，肉丸质感偏淋身，并非爽弹𠮶类，而且味道特别，加入咗黑椒吊味，另外亦附有软骨粒粒以添口感。第二款系河内烤猪五花，猪腩大大片，肥瘦适中唔干身，有一定厚度兼咬口，并渗透出啖啖香茅味😋。菜式无论𩠌定面都好多，檬粉虽然大堆头，但无浆成一饼，倒鱼露捞嚟食几惹味，🌶不过辣度都唔野小。
生牛肉牛腩片牛肉丸汤河
$86
21 浏览
0 赞好
0 留言
生牛肉牛腩片牛肉丸汤河($86)，🐮牛三宝Pho系稳阵地好食。汤底几浓郁，又唔油，饮完唔觉口干，证明应该唔重味精🤤。河粉几滑，唔碎湿湿，连埋洋葱、芽菜同香花菜一齐食，口味正宗。三款牛都好味道，🥩生牛片肉质细嫩，并非劣质肥牛；牛腩牛味突出，而牛丸就Q弹多汁，系传说中可以拎去打乒乓波𠮶种咁弹。
马拉盏炒通菜($72)，通菜炒到成座山咁高💚，老实讲佢分两碟卖都唔过份。通菜嫩绿，菜茎爽脆，但口味偏淡，佢无预期中嘅马拉盏咸香。不过换句话讲，佢亦无咁重口味。
自家椰青糕
$28
27 浏览
0 赞好
0 留言
总括嚟讲，越芦系让人喜出望外嘅越南餐厅🇻🇳😎，未试过真系唔知佢水准都几高。餐厅仲有提供好多特色菜，下次可以带埋屋企人嚟帮衬，试多几味。最后，店员们服务有礼，抵赞。
张贴
