東海堂 (將軍澳廣場)

营业中

休息中

因为老公对食嘅都好有要求，所以佢生日我都去左好多唔同既饼店网站拣蛋糕，希望拣到个佢钟意食，而屋企豆钉又食得，咁就无得拣咖啡酒心类嘅蛋糕啦！最后我拣咗呢款「雪国‧焦糖牛乳」蛋糕，价钱系$229，加生日朱古力牌$10，再用用某信用卡俾钱有88折优惠，所以最后系$210.3。蛋糕最上层中心有非常浓郁既焦糖牛奶酱，插生日牌时都因为焦糖牛奶酱太软身，所以生日牌好似想沉左落去个焦糖酱入面咁。好彩有张纸咭系蛋糕面，我地可以将生日牌放系纸咭上面托住。因为蛋糕太好味，我唔记得影蛋糕既切开面。蛋糕面有朱古力榛子脆脆好香口。切开蛋糕会见到蛋糕入面系一层层，好似千层蛋糕咁，内层有淡香嘅红茶啫喱同mousse，中和返焦糖甜味，令蛋糕甜而不腻。最低层有脆卜卜朱古力脆米，充满层次口感。我地平时食蛋糕最怕食好多cream又或者太甜嘅蛋糕，呢款焦糖蛋糕有焦糖既甜味，但食落唔会觉得太甜，屋企粒豆钉都食到话好好味。