尚苑京滬川菜 (已改名) 查看

屋企人钟意饮茶，去咗红磡科学馆之后揾到呢一间系南洋中心既尚苑中菜厅。环境都有少少充满中式风情，晚市唔算多人。**菠萝拔丝咕噜肉**：菠萝嘅清甜同咕噜肉嘅香脆结合得好好，欣赏佢真系每一旧咕噜肉都系脆口，愈放得耐反而仲脆，菠萝嘅特别之处在于佢系放喺隔黎，可以只食菠萝清甜味道，平时𠮶啲都系炒埋一碟。**椒盐一字骨**：一字骨肉质鲜嫩，外面炸得好酥脆，椒盐嘅微辣味道好香，唔会太干身。**鱼香茄子煲**：茄子劲香，用煲上热辣辣，煮得入口即化，酱汁好香浓，送饭一流。尚苑中菜厅嘅𩠌菜对我黎讲其实系喜出望外，价钱抵食，估唔到系呢个地点都有质素唔错嘅中菜厅。👍🏻