點心廊 (已結業)

去享受一下高级茶楼，话明系高级，侍应服务当然系达致高级水平，茶具亦有气派。创作六式拼盘($198)，靓靓既器皿，加上精美既食物，一定要比相机食先，我觉得食用既次序应该系由粉红色蒸笼内食物开始，再由雪梨顺序向后逐款吃。海胆凤眼饺，海胆滑流鲜甜冇苦涩味，馅料有浓郁既西芹味。金箔墨汁蟹粉鲜虾饺，漏左帮佢影一个大特写，蟹粉馅料好多，而且墨汁皮唔会太厚太簿，岩岩好。黄金啤梨咸水角，卖相已经好吸引，外皮脆得黎带点烟韧口感。原只鲍鱼鸡粒酥，鲍鱼爽口入味，酥皮香松软。一口燕窝蛋挞，燕窝晶莹剔透，好滑，而且份量有蛋挞咁高，好满足，下层蛋挞同样香酥脆。黑白芝麻流心煎堆仔，外层带有芝麻香味，内里有汤丸，馅料系流心黑芝麻，好软滑。流心鹌鹑蛋烧卖($48)，鹌鹑蛋烧卖相信好多人都食过，但系流心鹌鹑蛋真系第一次品尝，只蛋藏左入烧卖里面，因为咬开左之后，蛋汁可以流到外层烧卖，令肉质提升口感层次。富士竹炭叉烧饱($38)，松软既面包，加上热辣辣既叉烧，同埋个糖霜能带出少少甜味，成个配搭都好完美。