影片
更多
2018-06-21
125 浏览
去红磡睇演唱会，于是open rice见到附近呢间零负评既餐厅，于是就去试下。餐厅位于酒店一楼，门口亮住抢眼既红蓝光，都几易揾。虽然当天6点几就食晚餐，但已经有数枱客人系度食野。餐厅有独立卡位，环境开扬，靠窗可以望到街景。饮品叫左homemade red sangria餐厅自己混合既红酒带点玉桂香味，加上新鲜生果，配撘清新。前菜叫左小食拼盘，有水牛城辣鸡翼配西芹、牛油果蟹肉多士、炸墨鱼条。鸡翼皮脆肉嫩，辣得过瘾。多士焗得脆卜卜，食到粒粒牛油果，面头仲有三文鱼子，好丰富嘅配搭墨鱼条炸粉薄，够弹牙，而且份量都几多。带子什菌忌廉意大利饭，带子好大粒，表面煎得香脆，内里唔会干争争，意大利饭煮得啱啱好，够烟韧有咬口，什菌同饭嘅比例4:6，每啖饭都食到什菌而且忌廉够creamy滑口餐厅用上脆片芝士代替芝士粉，食落更有口感。烧纽西兰羊架（半排），我哋拣咗七成熟，卖相已经好吸引，烧得渐粉红色唔会血淋淋，肉质软嫩够入味而且好juicy肥膏唔多所以无咩羊骚味(本人好怕羊骚味)伴碟拣咗椰菜沙律，酸酸甜甜好开胃！而且椰菜切得够幼细，食落爽口。最后当然要以甜品做个美满结束甜品拼盘，有豆腐芝士饼、蜜糖合桃芭菲、特
餐厅位于酒店一楼，门口亮住抢眼既红蓝光，都几易揾。
虽然当天6点几就食晚餐，但已经有数枱客人系度食野。餐厅有独立卡位，环境开扬，靠窗可以望到街景。
饮品叫左homemade red sangria
餐厅自己混合既红酒带点玉桂香味，加上新鲜生果，配撘清新。
Red sangria
13 浏览
1 赞好
0 留言
前菜叫左小食拼盘，有水牛城辣鸡翼配西芹、牛油果蟹肉多士、炸墨鱼条。鸡翼皮脆肉嫩，辣得过瘾。多士焗得脆卜卜，食到粒粒牛油果，面头仲有三文鱼子，好丰富嘅配搭墨鱼条炸粉薄，够弹牙，而且份量都几多。
小食拼盘
25 浏览
0 赞好
0 留言
带子什菌忌廉意大利饭，带子好大粒，表面煎得香脆，内里唔会干争争，意大利饭煮得啱啱好，够烟韧有咬口，什菌同饭嘅比例4:6，每啖饭都食到什菌而且忌廉够creamy滑口餐厅用上脆片芝士代替芝士粉，食落更有口感。
香煎带子什菌忌廉意大利饭
18 浏览
0 赞好
0 留言
烧纽西兰羊架（半排），我哋拣咗七成熟，卖相已经好吸引，烧得渐粉红色唔会血淋淋，肉质软嫩够入味而且好juicy肥膏唔多所以无咩羊骚味(本人好怕羊骚味)伴碟拣咗椰菜沙律，酸酸甜甜好开胃！而且椰菜切得够幼细，食落爽口。
烧纽西兰羊架
13 浏览
1 赞好
0 留言
最后当然要以甜品做个美满结束甜品拼盘，有豆腐芝士饼、蜜糖合桃芭菲、特浓朱古力芝士饼。豆腐芝士饼好幼滑，带浓郁豆腐味，真系好似食紧旧豆腐咁略嫌芭菲有点冰粒，如果做得幼滑d似雪糕就好了。brownie甜度适中，朱古力味够香浓
甜品拼盘
18 浏览
1 赞好
0 留言
最后要大赞餐厅服务员热情嘅招待成晚同我地有讲有笑，周不时行过嚟问我地食物O唔OK，羊架同埋嘢饮都系佢介绍下次经开附近一定再嚟帮衬！
张贴
